NAIBU WAZIRI WA ELIMU ARIDHISHWA NA KAZI INAYOENDELEA CHUO CHA UALIMU TANDALA

Tarehe Iliyowekwa: October 4th, 2018

Naibu waziri Mh. Willium Olenasha akiwa katika chuo cha Ualimu Tandala kilichopo Wilayani Makete Mkoa wa Njombe ikiwa ni moja kati ya ziara za ufuatiliaji wa utekelezaji wa sera ya elimu ya kuboresha mazingira ya kufundishia na kujifunzia.

Akiwa katika ziara hiyo Naibu Waziri alizungumzia dhamira ya Serikari ya kuimarisha sekta ya elimu kwa kuboresha mazingira ya kufundishia na kujifunzia, kwani imewekeza fedha nyingi kwa ajili ya ujenzi na ukarabati ngazi zote za kutolea elimu zinazosimamiwa na Serikali ikiwa ni pamoja na vyuo vya elimu, shule za sekondari na elimu ya msingi.

Akizungumza na wanachuo pamoja na wananchi waliohudhuria katika mkusanyiko huo, alikiri kuridhishwa na kazi ya ujenzi na ukarabati uliofanyika chuoni hapo nakusema kuwa fedha iliyotolewa imefanya kazi iliyokusudiwa kwani Serikari kupitia Wizara ya Elimu ilitoa shilingi million moja na laki moja (1.1milion) kwa ajili ya ukarabati wa chuo cha Ualimu Tandala.

Pia hakusita kutoa pongezi za dhati kwa  Halmashauri ya Wilaya ya Makete pamoja na bodi ya chuo cha Ualimu Tandala, vilevile alitoa shukrani za pekee kwa chuo kikuu cha MUSTI kwani ndicho kinachosimamia na kutoa maelekezo katika zoezi laujenzi na  ukarabati wa chuo hicho.

Vile vile alionesha adhima ya Serikali ya kupitia mitaala ya elimu ya ualimu ili kuwa na walimu bora watakaoendana na mazingira ya sasa kwani nchi yetu ipo kwenye mchakato wa kuimarisha uchumi wa kiwango cha kati uchumi unaotegemea viwanda, hivyo hata walimu inabidi watoe elimu ya kisasa itakayowawezesha wahitimu kuendana na soko la ajira la sasa.

"Habari imeandaliwa na Mbilinyi GD"