ASKOFU DKT. MALASUSA AWEKA JIWE LA MSINGI MRADI WA UMEME IJANGALA-MAKETE

Tarehe Iliyowekwa: May 24th, 2023

Askofu wa Dayosisi ya Mashariki na Pwani Dkt. Alex Malalusa wa Kanisa la Kiinjili la Kilutheri Tanzania ameweka jiwe la Msingi ujenzi wa Mradi wa Umeme Ijangala Wilayani Makete.

Askofu Dkt. Malasusa ameweka jiwe hilo leo Mei 24, 2023 kwa niaba ya Askofu Dkt. Fredrick Shoo Mkuu wa Kanisa la Kiinjili la Kilutheri Tanzania, mradi huo unajengwa Kijiji cha Masisiwe Kata ya Ukwama Jimbo la Tandala Dayosisi ya Kusini Kati.

Askofu Dkt. Malalusa amewapongeza Viongozi wa KKKT-DKK kwa ubunifu wa miradi ikiwemo mradi huo wa Umeme Ijangala

Askofu wa KKKT-DKK Wilson Sanga amesema lengo la Dayosisi ni kuwafanya watu wamjue Mungu kwa Maneno na Vitendo ambapo mradi huo utatoa huduma za Kijamii kama sehemu ya wajibu wake kwa wanajamii

Mkurugenzi wa Mradi huo Elikana Kitahenga amesema upatikanaji wa Umeme wa Uhakika kwa Jamii ni nguzo muhimu ya ukuaji wa Uchumi kwa mwananchi mmoja mmoja

Mwakilishi wa REA Mhandisi Hamisi Mrope amesema Serikali inaendelea kushirikiana na wazalishaji wadogo wa Umeme kuhakikisha huduma ya upatikanaji wa Umeme inawafikia wananchi wote mpaka vijijini kuangaza maisha ya watu