DC JUMA SWEDA AANZA ZIARA MAKETE, AHIMIZA UJENZI KUFUATA RAMANI RASMI ZA SERIKALI

Tarehe Iliyowekwa: July 1st, 2021

Mkuu wa Wilaya ya Makete Mhe. Juma Sweda amewataka Viongozi wa ngazi za Kata na Vijiji kuhakikisha wanapata ramani zilizoidhinishwa na Serikali na kufuata ushauri wa wahandisi wa ujenzi wakati wa kutekeleza shughuli za ujenzi wa majengo kama ya Zahanati, Vituo vya Afya, Shule, mabweni, Ofisi za Serikali nk.

DC Sweda ameyasema hayo wakati wa ziara yake akiwa ameambatana na wataalam mbalimbali wa Halmashauri ya Wilaya ya Makete kukagua maendeleo ya ujenzi wa miradi mbalimbali iliyopo Idara za Elimu, Utawala, Maji (RUWASA), Barabara (TARURA) pamoja na Afya.

"Ni lazima tuwe na majengo imara na bora yaliyofuata ramani maalum za Serikali, sio hawa wanatumia ramani hii na wale wanatumia ramani tofauti kwenye miradi ya aina moja. Watendaji ngazi za Kata na Vijiji hakikisheni mnapokua na mipango ya ujenzi mnawasiliana na Ofisi husika ili kupata msaada wa ramani na msaada wa kitaalamu kwenye utekelezaji wa miradi hiyo" amesisitiza DC Juma Sweda.

DC Juma Sweda ameanza ziara yake kwa kuitembelea miradi iliyopo ndani ya Kata za Mang'oto, Tandala, Lupalilo, Iwawa, Isapulano, Kitulo na Matamba.

Imetolewa na

Omega Thobias

Afisa Habari Makete DC

#MaketeWilayaYaKazi