KAMATI YA SIASA YA CCM WILAYA YA MAKETE YARIDHISHWA NA UTEKELEZAJI WA ILANI NDANI YA HALMASHAURI YA WILAYA YA MAKETE

Tarehe Iliyowekwa: March 6th, 2025

Kamati ya Siasa ya Halmashauri Kuu ya Chama cha Mapinduzi, CCM, Wilaya ya Makete, leo Machi 6,2025, wamehitimisha ziara ya siku Mbili ya Ukaguzi wa Utekelezaji wa Miradi ya Maendeleo katika Halmashauri ya Wilaya ya Makete. 

Akizungumza mara baada ya Kukamilisha ziara hiyo, Mwenyekiti wa CCM, Wilaya ya Makete, Ndg. Clemence Mwawite Ngajilo, amesema kuwa, Chama hicho kimeridhika na Utekelezaji wa Ilani ndani ya Halmashauri hiyo, hivyo amewataka kuendelea kuchapa kazi ili Wananchi waweze kunufaika na Miradi hiyo. 

Aidha, Ndg. Ngajilo, amewataka Wananchi kuwaacha Viongozi walipo madarakani wafanye kazi na muda ukifika Kila mtu atapata nafasi yake ya kugombea, na kwamba hategemei kuona watu wakifanya Kampeni kwakuwa sio muda wa Uchaguzi. 

Kwa Upande wake, Katibu wa Chama cha Mapinduzi, Wilaya ya Makete, Ndg. Daniel Mhanza, amemshukuru Rais wa Jamhuri ya Muungano wa Tanzania, Mhe, Dkt. Samia Suluhu Hassan, kwa kuwaletea Wananchi wa Makete miradi mikubwa ya Maendeleo na yenye tija kwa Jamii.

Sambamba na hayo, Ndg. Mhanza, amewataka watumiaji wa Miradi hiyo, kuhakikisha kuwa wanaitunza vizuri ili iweze kutumika na vizazi vijavyo. 

Ikumbukwe kuwa, Kamati ya Siasa ya Halmashauri Kuu ya Chama Cha Mapinduzi Wilaya ya Makete, umefanya ziara ya Siku Mbili ya Ukaguzi wa Miradi ya Maendeleo katika Halmashauri ya Wilaya ya Makete, ambapo Kata za Lupila, Mang'oto, Tandala, Lupalilo, Iwawa, Kipagalo, Bulongwa, Luwumbu na Kitulo zimetembelewa.