MADIWANI WA HALMASHAURI YA WILAYA YA MAKETE, WAASWA KUSIMAMIA MIRADI KIKAMILIFU ..

Tarehe Iliyowekwa: February 16th, 2024

Kikao cha Pili cha Baraza la Madiwani la Halmashauri ya Wilaya ya Makete, limeketi leo Februari 16, 2024, ikiwa ni kikao cha Kupokea na kujadili Taarifa za Robo ya Pili, kwa mwaka wa Fedha wa 2023-2024.

Akizungumza wakati wa Kufunga kikao hicho, Mwenyekiti wa Halmashauri ya Wilaya ya Makete, Mhe. Christopher Fungo, amewataka watendaji kuhakikisha kuwa wanakusanya mapato ili halmashauri hiyo iweze kujijenga kimaendeleo na kiuchumi.

Aidha, Mhe. Fungo, amewataka Madiwani kushirikiana na Watumishi wa Umma, katika ngazi zao za Kata ili kusiwepo na malalamiko yeyote ya kiutendaji.

Kwa Upande wake, Mwenyekiti wa Chama Cha Mapinduzi, CCM, Ndg. Clemence Mwawite Ngajilo, amewashukuru na kuwapongeza Madiwani wa Halmashauri hiyo, kwa kazi nzuri wanazofanya za kuisimamia Serikali katika utekelezaji wa Miradi ya kimkakati.

"fanyeni kazi kwa Ushirikiano na wataalam wa serikali, sambamba na kusimamia miradi iliyopo katika maeneo yenu, pamoja na kuisemea vizuri kwakuwa imekuwa na tija kubwa kwa wananchi" alisema Ndg. Ngajilo.

Hata hivyo, Kaimu katibu wa kikao hicho, Ndg. Humphrey Mushi, akijibu swali la Papo Kwa Papo, la Diwani wa Luwumbu, Mhe. Felix Kyando, lililohusu ukomo wa nauli, kutoka Makete hadi Njombe, amesema Serikali kupitia LATRA, wameshatoa maelekezo ya nauli inayotakiwa kutozwa na wamiliki wa basi hivyo basi mamlaka husika za Usalama barabarani zisimamie waraka huo ili kusiwepo na malalamiko.

Imandaliwa na;

Kitengo cha Mawasiliano Serikalini, 

Halmashauri ya Wilaya ya Makete.

ReplyForward Add reaction