MIRADI YA ZAIDI YA MILIONI 689 YAKAGULIWA NA KAMATI YA FEDHA, MIPANGO NA UTAWALA WILAYANI MAKETE

Tarehe Iliyowekwa: July 3rd, 2021

Kamati ya kudumu ya Fedha, Mipango na Utawala ya Halmashauri ya Wilaya ya Makete leo Januari 21, 2021 imetembelea jumla ya Miradi nane ambayo inagharimu Tshs 689,117,975/=

Akizungumza kwenye ziara hiyo Mwakilishi wa Mkurugenzi Mtendaji wa Halmashauri ya Wilaya ya Makete Ndg Asukile Mbogella amewapongeza wananchi kwa kuibua miradi na kuchangia nguvu kazi katika ujenzi wa miradi hiyo na kuwahakikishia waheshimiwa madiwani na wananchi kuwa Serikali itaendelea kutoa fedha kwa ajili ya ujenzi wa zahanati, madarasa, matundu ya vyoo, daharia za shule, mabwalo nk kwa maendeleo ya Wilaya ya Makete.

Aidha, Mwenyekiti wa Halmashauri ya Wilaya ya Makete Mhe. Francis Chaula ameipongeza Serikali kwa utekelezaji wa miradi mbalimbali ndani ya Wilaya ya Makete na kuwahamasisha wananchi kuendelea kujitoa kwenye kuchangia shughuli mbalimbali za maendeleo huku akizihimiza Kamati za Ujenzi kwenye Vijiji na Kata kutekeleza shughuli zao kwa uaminifu na uadilifu.

Miradi iliyokaguliwa na Kamati ya Fedha, Mipango na Utawala ni Ujenzi wa bwalo Shule ya Sekondari Mwakavuta lenye thamani ya Tshs 145,000,000/=, Ujenzi wa vyumba viwili vya madarasa na vyoo matundu nane Shule ya Msingi Bulongwa wenye thamani ya Tshs 48,800,000/=, Ujenzi wa daharia na vyoo matundu sita Shule ya Sekondari Iwawa wenye thamani ya Tshs 156,600,000#=, Ujenzi wa vyumba vitatu vya madarasa na vyoo matundu nane Shule ya Msingi Makete wenye thamani ya Tshs 67,709,286#=, Ujenzi wa vyumba vitatu vya madarasa na vyoo matundu tisa Shule ya Msingi Kiduga wenye thamani ya Tshs 67,008,689/=, Ujenzi wa vyumba viwili vya madarasa (maabara za masomo ya sayansi) Shule ya Sekondari Ilumaki wenye thamani ya Tshs 64,800,000/=, Ujenzi wa bwalo Shule ya Sekondari Lupalilo lenye thamani ya Tshs 140,000,000/= na Ujenzi wa zahanati ya Usungilo yenye thamani ya Tshs 29,000,000/=

Shughuli za ujenzi kwenye miradi hii zinaendelea huku Mradi wa Ujenzi wa vyumba viwili vya madarasa na vyoo matundu nane Shule ya Msingi Bulongwa ukiwa umekamilika.

#MaketeWilayaYaKazi 

#MaketeMojaTuijengePamoja