MKUU WA WILAYA YA MAKETE MHE. SWEDA AWATA WAKUU WA IDARA NA VITENGO KUTOKUWA VIKWAZO KATIKA UTOLEWAJI WA MIKOPO YA ASILIMIA 10.

Tarehe Iliyowekwa: October 18th, 2024

Mkuu wa Wilaya ya Makete, Mhe. Juma S. Sweda, amewataka Wakuu wa Idara na Vitengo kutokuwa chanzo cha ucheleweshwaji wa mikopo ya asilimia 10, kwa makundi ya Vijana, Wanawake na watu Wenye Ulemavu.

Mhe. Sweda , amesema hayo leo Oktoba 18,2024, wakati akifungua mafunzo ya kujengewa uwezo na Uelewa kwa Wakuu Idara na Vitengo, kuhusu utaratibu mpya wa utolewaji wa mikopo ya asilimia 10 kupitia mapato ya ndani.

Aidha, Mhe. Sweda, amesema kuwa, taratibu na kanuni zimewekwa bayana hivyo ni muda sahihi kwa makundi Lengwa kuhakikisha kuwa wanachangamkia fursa hiyo muhimu ili waweze kujikwamua kiuchumi.

Kwa Upande Mkurugenzi Mtendaji wa Halmashauri ya Wilaya ya Makete, Ndg. William Makufwe, amesema kuwa mikopo hiyo lazima iwe na tija katika Jamii ili mnufaika aone thamani ya Fedha ambayo amekopeshwa na serikali.

Naye Muwezeshaji wa Mafunzo hayo, Ndg. Elia Kasanga, amesema kuwa taratibu zimebadilishwa lengo likiwa ni kuboresha Utolewaji na Urejeshwaji wake, kutokana na changamoto zilizojitokeza huko nyuma.

Ikumbukwe kuwa, Halmashauri ya Wilaya ya Makete, imetenga shilingi Bilioni Moja na milioni hamsini kwaajili ya Ukopeshaji vikundi vya Vijana, Wanawake na Watu Wenye Ulemavu.