WALIMU WILAYANI MAKETE WATAKIWA KUWALEA WANAFUNZI WAO KATIKA MAADILI MEMA

Tarehe Iliyowekwa: May 31st, 2024

Walimu Wilayani Makete Mkoani Njombe, wametakiwa kuwalea wanafunzi wao katika maadili mema na kutokata tamaa ya kuwasimamia wawapo mashuleni ili waweze kutimiza ndoto zao.

Hayo yamesemwa na Mwakilishi wa Katibu Mkuu Ofisini ya Rais -TAMISEMI, Ndg. Vicent Kayombo kwenye kikao cha walimu wa Shule za Msingi na Sekondari kilichofanyika leo Mei, 31 2024, kwenye ukumbi wa Shule ya Sekondari Iwawa, kilichokuwa na lengo la kusikiliza kero za Walimu pamoja na kuzungumza nao wajibu wa mwalimu kwa wanafunzi.

Aidha Ndg. Kayombo, amesema kuwa walimu wanatakiwa kutowakatia tamaa Wanafunzi kwakuwa kwa kufanya hivyo, kutawaathiri kimaendeleo katika Masomo yao na Maisha yao ya baadae.

Kwa Upande wake, Mkurugenzi Mtendaji wa Halmashauri ya Wilaya ya Makete, Ndg. William M. Makufwe, amewataka walimu kujitambua na kuwajibika ipasavyo katika kazi zao za kuwafundisha wanafunzi na kwamba wao kama viongozi wataendelea kusimamia haki na stahiki za walimu.

Hata hivyo, Ndg. Makufwe, ameishukuru Serikali ya Jamhuri ya Muungano wa Tanzania, kwa kuwaboreshea walimu masilahi yao, sambamba na kuwashauri watumishi hao Kuongeza kipato kwa kufanya shughuli mbalimbali za Kilimo kama vile Ngano , Viazi na Biashara nyinginezo.