MKURUGENZI MTENDAJI MAKETE DC , JERRY MWAGA, AKABIDHI PIKIPIKI KWA MAAFISA MAENDELEO YA JAMII

Tarehe Iliyowekwa: November 13th, 2025

Mkurugenzi Mtendaji wa Halmashauri ya Wilaya ya Makete,  Ndg.Jerry Daimon Mwaga,  leo Novemba 13,2025, amekabidhi Pikipiki mbili kwa Maafisa wawili wa Maendeleo ya Jamaii, wa Kata za Iwawa na Kipagalo, ikiwa ni muendelezo wa Serikali katika kuboresha utolewaji wa huduma Vijijini.

Akizungumza mara baada ya Kukabidhi Pikipiki hizo, Ndg.  Mwaga, amewataka watumishi hao kuhakikisha kuwa wanavitunza vyombo hivyo, pamoja na kuvitumia katika shughuli za kiserikali na si vinginevyo.

Naye, Afisa Maendeleo ya Jamii,  Wilaya ya Makete,  Bi. Jacklina Mrosso, ameishukuru Serikali kwa kuendelea kuwawezesha Halmashauri ya Wilaya ya Makete, ili iweze kutoa huduma katika mazingira yote ya Vijijini na mijini.

Kwa Upande wake, Katibu Tarafa wa Lupalilo,  Ndg.  Agustino Ngailo, amesema ameipongez Serikali kwa kutoa pikipiki hizo, na kuwaomba watendaji hao kuhakikisha kuwa wanazitumia katika shughuli za kiserikali kwakuwa wameamiwa kuwahudumia wananchi.

Hata hivyo, Afisa Maendeleo ya Jamii, Kata ya Kipagalo,  Bi. Anna Mwajeka, amesmea kuwa Pikipiki hizo zinaenda kuwa mkombozi katika kuwahudumia wananchi ikiwa ni pamoja na ufuatiliaji wa mikopo ya asilimia 10.