105% ya watoto wamepata Chanjo Makete

Tarehe Iliyowekwa: September 5th, 2022

Watoto wapatao 16,857 sawa na 105% chini ya miaka mitano (5) wamepata chanjo yam atone ya polio kwa muda wa siku nne kuanzia tarehe 01-04 Septemba 2022.

Akizungumza na Kitulo FM mratibu wa Chanjo Wilaya ya Makete Daktari Huruma Mkiramweni amesema kufuatia kuwepo meitikio mkubwa wa wananchi kuwachanja Watoto wao kumepelekea kuvuka lengo lililowekwa la kuchanja Watoto 15,629.

Pia amesema hii ni awamu ya tatu ya chanjo ya Polio na Watoto wanapaswa kupata chanjo kwa awamu nne hivyo zoezi litaendelea na kuwasihi wananchi kujitokeza kwa wingi watakapotangaziwa muda wa kuchanja.

“Kulingana na elimu inayotolewa na waandishi wa Kituo chetu cha Kitulo FM ni kubwa sana na inawafikia wananchi wengi kwa muda mfupi, niwashukuru sana kwa kuwa hii imeturahisishia utoaji wa elimu kutokumbana na changamoto kubwa kwa wananchi wetu” Ameongeza Mkiramweni.

Zoezi hilo kwa Mkoa wa Njombe limefikia 112.59 ambayo ni sawa na Watoto 156,822 waliopata chanjo

Ludewa imechanja Watoto 25874, Makambako TC 33496, Njombe DC 17650, Njombe TC 30185 na Wanging’ombe 32760.