35% IWAWA WAHESABIWA

Tarehe Iliyowekwa: August 24th, 2022

Zoezi la Sensa ya watu na makazi katika Mamlaka ya mji mdogo Iwawa limefikia 35% kwa siku ya kwanza hapo jana ambapo imeelezwa wananchi wamekuwa na shauku kubwa ya kuhesabiwa.

Mratibu wa Sensa mji mdogo wa Iwawa ndg. Nahumu Tweve akizungumza na Kitulo FM asubuhi ya leo 24 agosti, 2022 amesema Iwawa inajumla ya kaya 1,679 zimehesabiwa kaya 522 zimehesabiwa kwa siku ya jana pekee.

Kitongoji cha Ivalalila kinachokadiriwa kuwa na kaya 504 zilizohesabiwa kwa siku ya kwanza ya zoezi ni kaya 154, Kitongoji cha Ndulamo kinachokadiriwa kuwa na Kaya 614 zilizohesabiwa ni 249, Maleutsi kaya 128 zilizohesabiwa 93, Ludihani kaya 152 zimehesabiwa kaya 66.

Mji mdogo wa Iwawa unakadiriwa kuwa na jumla ya kaya 3,077 ambapo zilizohesabiwa kwa siku ya jana pekee ni Kaya 1,084 sawa na asilimia 35.

Tweve amewasihi wananchi kuwa wavumilivu kuwasubiri makarani na pale inapobidi kuacha taarifa za muhimu na namba za simu kwa mtu atakayebaki nyumbani ili shughuli za kiuchumi ziendelee na kurahisisha zoezi la Sensa.

Kwa mujibu wa Kamishana wa Sensa bi. Anna Makinda amesema zoezi hili litaendelea kwa muda wa siku 7.