ASKOFU SANGA AWEKA JIWE LA MSINGI MRADI WA MAJI WA BIL.1.2 MBALACHE

Tarehe Iliyowekwa: October 13th, 2022

Katibu Mkuu Wizara ya Maji Mhandisi Antony Sanga amesema miradi ya maji yenye thamani zaidi ya shilingi Bilioni 9 inatekelezwa katika kipindi cha mwaka 2022/23

Akizungumza kwenye uwekaji wa jiwe la Msingi mradi wa maji Kata ya Mbalache utakaohudumia vijiji viwili ambavyo ni Lupombwe na Mbalache mradi unaojengwa kwa ufadhili wa Jumuiya ya Kanisa la Kilutheri ya Hamburg Blankenese Ujerumani kwa kushirikiana na Serikali, Mhandisi Sanga amesema Serikali imepanga kufikia 2025 wananchi wa vijijini wawe wanapata maji kwa 85% hivyo Wilaya ya Makete inatekeleza miradi mbalimbali ili kusogeza huduma ya maji karibu na wananchi

Baba Askofu wa KKKT-DKK Makete Mch. William Sanga amesema Kanisa limeendelea kutimiza wajibu wake wa Kitume kutoa huduma kwa wananchi ikiwemo kusogeza huduma za maji kwa Wananchi

Mchungaji Klaus Poehls Mwakilishi wa Kanisa la Kilutheri Hamburg Blankenese Ujerumani amesema mradi huo utafanya kazi ya kuhudumia wananchi wa Mbalatse na Lupombwe huku akiwapongeza kwa bidii waliyoitoa wakati wote wa ujenzi wa Mradi huo

Mkurugenzi Mtedaji Halmashauri ya Wilaya ya Makete William Makufwe amewashukuru wanajumuiya hao kwa kuisaidia Serikali kufikisha huduma kwa wananchi huku akiwataka wananchi wa Mbalatse kuutunza mradi huo na kulinda mazingira

Mkurugenzi wa Udiakonia Elikana Kitahenga amesema mpaka kukamilika kwa mradi huo utakuwa umegharimu kiasi cha shilingi Bilioni 1 na milioni 200 huku ukitarajia kuhudumia wananchi zaidi ya 2000

Kwa upande wao wananchi wa Mbalache wamewashukuru wadau hao na Serikali kwa kuwapelekea mradi huo mkubwa maji ambao unakwenda kutatua changamoto ya uhaba wa maji katika vijiji vyao

BONYEZA HAPA KUTAZAMA VIDEO