BARAZA LA MADIWANI HALMASHAURI YA WILAYA YA MAKETE, YARIDHIA BAJETI YA BILIONI 40,250,410,000.00

Tarehe Iliyowekwa: February 13th, 2024

Baraza la Madiwani la Halmashauri ya Wilaya ya Makete, leo Februari 13,2024, limepitisha mapendekezo ya rasimu ya Bajeti, kiasi cha shilingi Bilioni 40,942,877,000.00, ikijumuisha mapato ya ndani, Shilingi bilioni 4,240,410,000,000, Ruzuku ya Mishahara bilioni 24,078,782,000.00, Ruzuku ya matumizi ya kawaida shilingi bilioni 1,086,310,000.00. 

Akizungumza mara baada ya kupitishia bajeti hiyo, Mwenyekiti wa Halmashauri ya Wilaya ya Makete, Mhe. Christopher Yonam Fungo, amesema kuwa kila mtumishi wa umma pamoja na madiwani kwa pamoja wanawajibu wakutekeleza yale ambayo wamekubaliana katika baraza hilo, kupitia bajeti hiyo ili wananchi waweze kupata maendeleo katika maeneo yao. 

Kwa Upande, Mkurugenzi Mtendaji wa Halmashauri ya Wilaya ya Mekete, Ndg. William Makufwe, amewaomba madiwani wa halmashauri hiyo, kuwa mstari wa mbele katika kusimamia miradi ambayo inapelekwa na serikali kwenye maeneo yao, kwakuwa wao nido wasimamizi wakuu wa kata husika.

“mwaka huu tumetenga zaidi ya bilioni 1.2 ili kukamilisha maboma ambayo yalianzishwa na wananchi kwenye maeneo yao, hivyo basi nawaomba Madiwani mkashiriki kikamilifu katika miradi hiyo kwakuwa ninyi ndio watekelezaji na wasimamizi wa miradi hiyi kwenye maeneo yenu, kama unataona kunasintofahamu katika utekelezaji wake uliza ili uweze kupatiwa majawabu sahihi” alisema Ndg. Makufwe.

Sambamba na hayo, Ndg. Makufwe, amewashauri madiwani hao kutoanzisha miradi mipya mpaka ikamilike iliyopo, ikiwa ni pamoja na kuwataka watendaji kuisimamia miradi hiyo vizuri.

Nao, baadhi ya Madiwani wa halmashauri ya Wilaya ya Makete, wameishukuru serikali kwa kuweza kutenga fedha hizo ili ziende kukamilisha miradi viporo ambayo imeanzishwa kwa nguvu za wananchi kwakuwa imekuwa ikiwasumbua kwa mda mrefu.

Naye, Mwenyekiti wa Chama cha Mapinduzi,CCM, Ndg. Clemence Ngajilo, amewataka madiwani kuwa na umoja katika kuijenga Makete, kwakuwa wote ni wanaccm, hivyo hakuna haja ya kugombaniana miradi, bali waisimamie ili iweze kuwanufaisha wao na wananchi kwa ujumla.

Imeandaliwa na : 

Kitengo cha Mawasiliano, 

Halmashauri ya Wilaya ya Makete.

ReplyForward Add reaction