BARAZA LA MADIWANI LA HALMASHAURI YA WILAYA YA MAKETE LAPITISHA RASIMU YA SHERIA NDOGO MPYA ZA ADA NA USHURU

Tarehe Iliyowekwa: April 25th, 2025

Mkutano wa Baraza la Madiwani wa Halmashauri ya Wilaya ya Makete, leo Aprili 25, 2025, umepitisha Rasimu ya sheria mpya ndogo za Ada na Ushuru ya Halamshauri ya Wilaya ya Makete, ya mwaka 2025.

Akitoa tamko hilo la kupitisha Rasimu hiyo, mara baada ya kuwahoji waheshimiwa madiwani, Mwenyekiti wa Halmashauri ya Wilaya ya Makete, Mhe, Christopher Yonam Fungo, amesema kuwa mchakato umebarikiwa na Baraza , hivyo mpo tayari kuendelea na hatua za mbele zaidi.

Awali akiwasilisha Rasimu hiyo kwa waheshimiwa Madiwani, mwanasheria wa Halmashauri ya Wilaya ya Makete, Wakili Issa J. Mganga, amesema kuwa maamuzi hayo ya ubadirishaji wa Sheria ndogo hizo, umekuja mara baada ya kuwepo kwa mabadiliko ya kanuni, sambamba na kuendana na soko la sasa.

Aidha, Wakili Mganga, ameabainisha kuwa Rasimu hiyo, imetoa tafsiri, pamoja na kubuni na kuingiza vyanzo vipya vya mapato ambavyo havipo kwenye sheria inayitumika sasa, imeweka viwango vya tozo vya ushuryu vinayendana na wakati uliopo, sambamba na adhabu na faini zinazoendana na wakati uliopo.