CMT MAKETE YAPONGEZA KASI UJENZI KITUO CHA AFYA BULONGWA

Tarehe Iliyowekwa: October 17th, 2022

Timu ya menejimenti Wilaya ya Makete imewapongeza viongozi Kata ya Bulongwa wakiongozwa na Diwani wa Kata hiyo kwa usimamizi na kasi waliyonayo katika ujenzi Kituo cha Afya Bulongwa

Timu hiyo imetoa pongezi hizo baada ya kufika eneo la ujenzi Kituo cha Afya na kuona mafundi wanaendelea vizuri na kazi baada ya msuguano mkali miezi kadhaa iliyopita ambapo ujenzi ulisimama kutokana na uhaba wa maji

Mkurugenzi Mtendaji William Makufwe amesema hana budi kupongeza uongozi wa Kata hiyo kwa kazi wanayoifanya katika kuhakikisha fedha za Serikali zinafanya kazi kwa mujibu wa maelekezo na kwa uaminifu

Wajumbe wa Timu hiyo ya Menejimenti ya Wilaya akiwepo Afisa Utumishi, Mganga Mkuu wa Wilaya, Afisa Manunuzi, Afisa ujenzi, Afisa Maendeleo ya Jamii, Afisa mipango wamepongeza kasi ya ujenzi wa Kituo hicho ambacho kimepata fedha Milioni 250 za tozo awamu ya pili

KUTAZAMA VIDEO BONYEZA HAPA

Akielezea kasi ya mradi huo Mtendaji wa Kata ya Bulongwa Majuto Mbwilo amesema Kamati zote zinazohusika na usimamizi wa Kituo hicho kwa ushirikiano mkubwa na wananchi wanafanya kazi vizuri baada ya kuwafukuza wanakamati kadhaa waliokuwa wanahusika na udanganyifu

Kwa upande wake Diwani wa Kata hiyo Benayo Luvanda ameishukuru Timu ya Menejimenti kwa usimamizi na ufuatiliaji wa Karibu katika mradi huo na kuahidi mradi utakamilika kwa wakati