DC SWEDA APONGEZA UJENZI WA KITUO CHA AFYA KATA YA MFUMBI

Tarehe Iliyowekwa: February 7th, 2024

Mkuu wa Wilaya ya Makate, Mhe. Juma S. Sweda, Februari 7, 2024 ameipogeza halmashauri ya wilaya ya Makete, pamoja na kuishukuru serikali ya Tanzania, kwa kutenga fedha ili kujenga kituo cha Afya kata ya Mfumbi, kutokana na umuhimu wake katika jamii.

Akizungumza mara baada ya kufanya ukaguzi wa Ujenzi huo, Mhe. Sweda, amesema kuwa serikali ya Jamhuri ya Muuungano wa Tanzania, inayoongozwa na Rais Mh. Dkt. Samia Suluhu Hassan, imelenga kuboresha huduma za afya, kwa Mama na mtoto kwakuwa wamekuwa wakipoteza uhai wao hasa wakati wa kujifungua.

“niwapongeze sana halmashauri ya Wilaya ya Makete, kwa kufanya maamuzi haya ya kujenga kituo cha Afya katika kata hii ya Mfumbi, lakini pia namshukuru sana Rais wetu Mhe, Dkt. Sami Suluhu Hassan, kwa kuleta fedha hizi ili ziweze kuboresha huduma ya afya katika kata hii” Alisema Sweda.

Kwa upande Mkurugenzi mtendaji wa Halmashauri ya Wilaya ya Makete, Ndg. William Makufwe, amesema kuwa, lengo la serikali ni kuhakikisha kuwa kila kata inakuwa na kituo cha Afya, na kwamba hadi sasa serikali imeshajenga vituo vya afya vitano, katika kata za Halmashauri hiyo ambazo zimekuwa na uhitaji mkubwa kutokana na wingi wa watu pamoja na sababu za Kijiografia za upatikanaji wa huduma hiyo muhimu.

Naye Makamu Mwenyekiti wa Halmashauri ya Wilaya ya Makete, Mhe. Hawa Kader, ameishukuru serikali ya Jamhuri ya Mungano wa Tanzania, inayoongozwa na Mhe. Dkt. Samia Suluhu Hassan, kwa kuwajengea kituo hicho cha Afya bora kabisa, ambacho kitaenda kutatua kero ya mufa mrefu katika upande wa uzazi.

Nao baadhi ya akinama wa Kijiji Cha Kimani, wamemshukuru Rais Mhe. Dkt. Samia Suluhu Hassan, Kwa kuwajengea kituo hicho, kwakuwa ametatua changamoto kubwa sana ambayo imekuwa ikiwatesa kwa muda mrefu.

Ikumbukwe kuwa mradi huo wa kituo cha Afya cha Mfumbi, unajengwa kwa kutumia mapato ya ndani, kwa kushirikiana na TASAF, ambapo hadi sasa kiasi cha shilingi milioni 264,553,226.74 zimetumika katika kuhakikisha kuwa majengo mawilia ya OPD na Mama na Mtoto yanakamilika kwa wakati ifikaapo mwezi wa nne