DC SWEDA AWATAKA MADIWANI WILAYANI MAKETE KUGEUZA MAFUNZO WALIYOPATA ZIARANI JIJINI DODOMA KATIKA VITENDO E

Tarehe Iliyowekwa: December 17th, 2024

Mkuu wa Wilaya ya Makete, Mhe. Juma S. Sweda, amewataka Waheshimiwa Madiwani wa Halmashauri ya Wilaya ya Makete, kuhakikisha kuwa yale ambayo wamejifunza wakiwa kwenye ziara katika Halmashauri ya Jiji la Dodoma, kuhakikisha kuwa wanayageuza kuwa chachu ya Maendeleo Wilayani humo kupitia uwekezaji we ye tija. 

Mhe. Sweda, amesema hayo leo, Desemba 17,2024, wakati akifungua Mafunzo kwa Madiwani wa Halmashauri ya Wilaya Makete, ambayo yanafanyika katika Ukumbi wa African dreams , uliopo jijini Dodoma, ikiwa ni siku ya pili ya ziara ya kujifunza namna bora uanzishaji wa Miradi pamoja na Usimamizi. 

Mafunzo hayo, yanaendeshwa na wataalamu mbalimbali ambao ni Ndg. Gabriel Hango, Mchumi Mwandamizi kutoka Ofisi ya Rais - TAMISEMI, Ndg. Sweetbert Masota, Mchumi Mkuu kutoka Wizara ya Fedha, Dkt. Fredrick Sagamiko Mkurugenzi Mtendaji wa Halmashauri ya Jiji la Dodoma, pamoja na Ndg. Christian C. Kapere, Afisa Mwandamizi, kutoka Sekretarieti ya Maadili ya Viongozi wa Umma, Kanda ya Kati - Dodoma. 

Ikumbukwe kuwa, Madiwani wa Halmashauri ya Wilaya ya Makete, wapo katika ziara ya Siku Nne jijini Dodoma, ambapo ziara hiyo imelenga kujifunza namna bora ya kuendesha Miradi ya kimkakati katika Halmashauri, ili Kuongeza Mapato pamoja na kuwajengea Wananchi uwezo wa Kiuchumi kupitia Miradi hiyo.