DED MAKETE , AAHIDI KUSHIRIKIANA NA UWODO KUPAMBANA NA UDUMAVU.

Tarehe Iliyowekwa: November 14th, 2023

Mkurugenzi Mtendaji wa Halmashauri ya Wilaya ya Makete, Ndg.William M. Makufwe amewaagiza wakuu wa Idara na Vitengo, ambao wanahusika na makuzi ya Mtoto kuhakikisha kuwa wanashirikiana na Shirika lisilo la Kiserikali la UWODO, kuhakikisha wanatokomeza Udumavu, Wilayani Makete.

Ndg. Makufwe, amesema hayo leo, November 14, 2023, wakati wa uzinduzi wa Mradi wa MTOTO KWANZA, ambao umefanywa na Shirika la UWODO, katika ukumbi wa Mikutano wa Halmashauri ya Wilaya ya Makete."Ni vizuri sasa tukashirikiana kwa yale tuliyoyapanga kwenye Bajeti zetu, na yale wao waliyoyapanga hasa kwenye Lishe, kwakuwa tunachangamoto katika kuwafikia, na hili lisiishie Kwenye vikao tu, nataka kuona kazi ikitendeka"Alisema Ndg. William M. Makufwe.

Kwa upande wake Mganga Mkuu wa Wilaya ya Makete, Dkt. Ligobert Kalisa, amesema watashirikiana vizuri na Shirika Hilo kikamilifu, Ili kuhakikisha asilimia 50.4, zinaisha sambamba na kuwafanya watu wale Vyakula vyenye ubora.

Naye Afisa Elimu Msingi, Mwl. Sylivia Chawaka, amesema kuwa Wilaya ya Makete, inakabiliwa na changamoto kubwa ya Udumavu, hivyo basi mradi huo utajenga uelewa namna ya kupambana na ukatili kwa Watoto.

Akizindua mradi huo, Mkurugenzi Mtendaji wa Shirika lisilo la Kiserikali la UWODO Ndg.Hamisi Kasapa, Shirika limekuja na mradi wa MTOTO KWANZA, Ili kuhakikisha wanapambana na changamoto ambazo zimekuwa zikiwakumba Watoto kupitia Mpango Jumuishi Kitaifa wa Malezi, Makuzi na Maendeleo ya awali ya mtoto.

" Mradi huu utakijika kwenye suala la Lishe, Afya na Maeneo ya Kujifunza Kwa kuzingatia Ulinzi na Usalama wa Mtoto" Imeandaliwa na: Kitengo Cha Mawasiliano Serikalini, Halamshauri ya Wilaya ya Makete"  Alisema Ndg. Kasapa. 

Imeandaliwa na: 

Kitengo cha Mawasiliano Serikalini,

Halmashauri ya Wilaya ya Makate.