DED MAKETE AWATAKA VIONGOZI KATA YA IPELELE KUSIMAMIA MAPATO

Tarehe Iliyowekwa: January 29th, 2024

Mkurugenzi Mtendaji halmashauri ya Wilaya Makete Ndg. William Makufwe, amewataka viongozi wa kata ya Ipelele kuhakikisha kuwa wanazuia upotevu wa mapato kutokana na umuhimu wake katika kufanikisha Maendeleo na huduma za kijamii

Ndg. Makufwe amesema hayo, Januari 29,2024 wakati wa akizungumza katika kikao Cha kamati ya maendeleo ya kata (Kamaka) kata ya Ipelele, Wilayani Makete, kuwa endapo viongozi watashirikiana katika kuhakikisha kuwa wanatoa elimu na kuzia mianya ya upotevu wa mapato, basi miradi mingi ya Serikali itakamilika Kwa wakati.

" Mapato ndio uti wa mgongo wa halmashaur kwani kupitia mapato ya ndani halmashaur imefanikiwa kufanya shughuli nyingi za maendeleo ikiwemo ujenzi wa kituo Cha afya Mbalatse, ujenzi wa nyumba za walimu ,ujenzi wa vyumba vya madarasa na inaendele kumalizia maboma ambayo yalianzishwa kwa nguvu za wananchi" Alisema Ndg. Makufwe.

Nao baadhi ya wajumbe wa kamati ya maendeleo ya kata akiwemo Alimivu Sanga na Nelson Sanga wameahidi kushirikiana na watendaji wa vijiji katika kuzuia upotevu wa mapato huku wakioomba serikali iweze kukarabati miundombinu ya barabaran kwani itasaidia kuongeza mapato.

Ikumbukwe kuwa, Mkurugenzi Mtendaji halmashaur ya Wilaya ya Makete Ndg William Makufwe anaendelea kufanya ziara katika kata mbalimbali ambapo mpaka sasa kata zaidi ya 8 zimefikiww ili kusikiliza kero na kuzitatua , ambapo Leo Januari 30/2024 atakua kata ya Ipepo.