DED MAKETE DC AKABIDHI BENDERA KWA WASHIRIKI WA SHIMISEMITA 2025 - TANGA

Tarehe Iliyowekwa: August 13th, 2025

Mkurugenzi mtendaji wa Halmashauri ya Wilaya ya Makete, Ndg. Jerry Daimon Mwaga, leo Agosti 13,2024, amekabidhi bendera ya Halmashauri hiyo kwa wachezaji ambao wanaenda kushiriki kwenye mashindano ya mamlaka za Serikali za Mitaa, jijini Tanga, kuanzia Agosti 15,2025.

Ndg, Mwaga mara baada ya kukabidhi Bendera hiyo, amewatakiwa mashindano mema pamoja na kuhakikisha kuwa wanarudi na makombe, katika kila mchezo ambao wataenda kushiriki, ili kuipa sifa Halmashauri pamoja na wilaya nzima kiujumla.

Kwa Upande wake, Mwenyekiti wa Michezo wa Halmashauri ya Wilaya ya Makete, Ndg. Humphrey Mushi, amewatakia heri wachezaji hao pamoja na kumpongeza Mkurugenzi wa Halmashauri ya Wilaya ya Makete, kwa kuwa mstari wa mbele katika kuhakikisha kuwa Halmashauri hiyo inashiriki michezo kikamilifu.

Naye Meneja wa Benki Ya CRDB, Tawi la Ikonda, Ndg. Francis Banyenza, akitoa zawadi ya mipira miwili kwa wachezaji wa timu ya Makete DC, amesema kuwa utoaji wa mipira hiyo ni sehemu ya kuhakikisha kuwa michezo inakuwa wilayani humo.

Nao baadhi ya wakuu wa Idara na Vitengo, akiwemo Mkuu wa Idara ya Afya, Dkt. Kalisa, Elimu Sekondari, Ndg. Komba, Miundombinu, Mhandisi Maganga pamoja na Kitengo cha Manunuzi, CPSP Mbafu, wamewatakiwa heri wachezaji hao na kwamba wanasubiri ushindi mwema kutoka kwao, na sio kwenda kushiriki.

Ikumbukwe kuwa, Mashindano ya Shirikisho la Michezo kwa Serikali za Mitaa, (SHIMISEMITA), kwa mwaka huu yanafanyika mkoani Tanga, yakiwa na Kauli Mbiu isemayo, “JITOKEZE KUPIGA KURA KWA MAENDELEO YA MICHEZO”.