DED MWAGA AWATAKA AELEKEZA UKAMILISHAJI WA MIRADI YENYE UBORA

Tarehe Iliyowekwa: October 2nd, 2025

Wasimamizi wa Utekelezaji za miradi mbalimbali ya maendeleo katika Hakmashauronya Wilaya ya Makete, Mkoani Njombe wametakiwa kusimamia kikamilifu miradi hiyo iwe na ubora unaotakiwa na Serikali pamoja na kuhakikisha kuwa inakamilika kwa wakati.

Hayo, yamenainishwa leo Oktoba 2,2025, na Mkrugenzi wa Halmashauri Wilaya Makete Ndg. Jerry Daimon Mwaga wakati alipotembelea na kukagua miradi mbalimbali katika Kata za Luwumbu na Kipagalo.

Aidha, Ndg. Mwaga, amewataka wasimamizi hao kuhakikisha kuwa miradi hiyo iendanene na thamani ya fedha zinazoyolewa pamoja na kudumu kwa muda mreru.

Kwa Upande wake, Mwenyekiti wa Kijiji Cha Unenamwa, Ndg. Martin Kyando amempongeza mkurugenzi kwa kazi nzuri ya kutembelea na kukagua miradi ndani Halmashauri hiyo, huku akisema kuwa wananchi wa kata ya Luwumbu wameipokea kwa kwa furaha miradi hiyo na watashiriki kwa nguvu zao zote ili kuhakikisha inakamilika kwa wakati.

Naye Mwalimu Mkuu wa shule ya Msingi, Mwl. Erasto Mkalawa, ameishukuru serikali kwa kuwapatia fedha kwa ajili ya ujenzi wa vyumba vya madarasa katika shule hiyo, na kuongeza kuwa kukamilika kwa vyumba hivyo kutaboresha mazingira ya elimu kwa wanafunzi.

Ikumbukwe kuwa, Miradi iliyokaguliwa leo ni pamoja na ujenzi wa vyumba vya madarasa mawili na matundu ya vyoo kwenye Shule ya Msingi Luwumbu kata ya Luwumbu,ujenzi wa madarasa matano na matundu ya vyoo 12 kwenye shule ya msingi Unenamwa kata ya Luwumbu, ujenzi wa nyumba ya mwalimu shule ya msingi Mahulu na shule ya msingi madihani pamoja na kukagua umaliziaji wa nyumba ya watumishi kwenye kituo cha afya Kipagalo.