HALMASHAURI (W) MAKETE IMENUNUA MASHINE YA KUFYATUA TOFALI NA ITAANZA KUUZA KWA WANANCHI

Tarehe Iliyowekwa: October 15th, 2022

Mkurugenzi Mtendaji wa Halmashauri (W) Makete William Makufwe amesema Halmashauri imenunua mashine ya kutengeneza tofali zaidi ya elfu nne (4,000) kwa siku moja na kutoa ajira kwa vijana.

 Tofali hizo zitatengenezwa kwa kutumia mchanga na Saruji kwa ajili ya shughuli za ujenzi wa miradi ya Serikali ikiwemo Zahanati, Vituo vya Afya, nyumba za watumishi, Madarasa lakini pia zitauzwa kwa wananchi kwa ndogo.

Mkurugenzi huyo amesema mashine hiyo imenunuliwa kwa shilingi Milioni 41 na mwishoni mwa mwezi huu Octoba itaanza kufanya kazi

BONYEZA HAPA KUTAZAMA VIDEO ZA MASHINE

Awali Mhandisi wa Halmashauri Emily Maganga amesema mashine hiyo imenunuliwa maksudi kwa lengo la kusaidia upatikanaji wa Tofali za uhakika kwa wanamakete ambao wameteseka kwa muda mrefu kufuata tofali Makambako au Mbeya kwa shilingi 2,000 au zaidi tofali moja na sasa watazipata hapahapa