HALMASHAURI YA WILAYA MAKETE YAKUSANYA BILIONI 4 KWA MWAKA 2021/2022

Tarehe Iliyowekwa: July 14th, 2022

Halmashauri ya Wilaya ya Makete Mkoani Njombe imekusanya shilingi Bilioni 4,062, 443,747.46 sawa na 163%  kutoka kwenye vyanzo vya ndani halisi na mapato mengineyo kwa mwaka wa fedha 2021/2022.

Katika kipindi cha julai 2021 hadi juni 2022 Halmashauri ilipanga kukusanya jumla ya Tshs. Bilioni 2,486,669,000.00 kutoka vyanzo vya mapato ya ndani halisi na mapato ya ndani mengineyo (Mapato lindwa).

Mkurugenzi Mtendaji (W) Makete ndg. William Makufwe amesema hayo jana julai 13, 2022 wakati wa kikao cha watendaji wa kata zote 23, watendaji wa Vijiji 98 na wakuu wa Idara wakati wakijipanga na kuweka mikakati ya kusimamia ukusanyaji wa mapato kwa mwaka huu wa fedha 2022/2023.

Makufwe amesema “Makete hatujawahi kufeli na hatutafeli hatika hili, kwa sababu katika kipindi cha mwaka wa fedha 2021/2022 Halmashauri imefanikiwa kukusanya jumla ya shilingi Bilioni 4,062,443,747.46 kutoka vyanzo mbalimbali vya mapato”.

Pia amesema katika kipindi cha kuishia juni 2023, Halmashauri imepanga kukusanya kiasi cha Tshs. 4,600,320,000.00 kutoka katika vyanzo mbalimbali vya mapato hali ya ndani na mapato mengineyo.

Makufwe amesema mapato ya ndani halisi ni tsh. 4,000,000,000.00 na mapato mengineyo ni tsh. 600,320,000.000 pia ameeleza mikakati iliyowekwa ikiwemo kulipa motisha kwa wakusanyaji wa mapato kwa wakati kwa wale wanaokusanya na kubenki kwa wakati.

Pia kuendelea kutoa elimu elimu kwa walipa kodi/tozo/ushuru na kutoa ushirikiano wa haraka kwa wakusanya mapato wanapohitaji msaada.

“Niwasihi watendaji wa Kata na vijiji tukasimamie kwa umakini ukusanyaji wa Mapato kwenye vijiji vyetu na kila chanzo cha mapato kwenye kijiji lazima tusiamie vizuri ili kufikia lengo hili na ikiwezekana tufikishe bilioni 5”.

Kwa upande wake Afisa Mapato Wilaya ndg. Bwire Muyengi amesema vilivyoainishwa kwenye mapato timu ya Mapato na watendaji wa vijiji watahakikisha mapato yanakusanywa kikamilifu na kwa uaminifu.

Baadhi ya watendaji wa vijiji wamesema wafanyabiashara wengi wamekuwa wajanja kwa kutoroka bila kulipa mapato hivyo kuna wakati inawapa changamoto ya usimamizi katika makusanyo

Immelezwa kuwa wapo wafanyabiashara na watumishi wasiowaaminifu katika ukusanyaji wa Mapato jambo ambalo watendaji hao na Mkurugenzi wamekubaliana kuwachukulia hatua za kisheria wote watakaobainika kuhujumu ukusanyaji wa mapto.

Mkuu wa Wilaya ya Makete Mh. Juma Sweda ameagiza mtu yeyote atakayeonekana kukiuka utaratibu na kutoroka bila kulipa mapato akikamatwa alipe faini.

Pia Mh. Sweda amewaagiza watendaji hao kuongeza umakini kwenye vituo vyao vya kazi na barabara zote za kutoka na kuingia kwenye vijiji ili kuziba mianya yoyote ya ubadhirifu wa mapato ya Serikali.

Sambamba na hilo Halmashauri ya Wilaya ya Makete imetoa zawadi kwa watendaji wa Kata ambao wameongoza kwa kusimamia vizuri zoezi la Anwani za Makazi

Ambapo Kata ya Mang’oto imeongoza kwa kufanya vizuri ikifuatiwa na kata ya Kipagalo, Iniho, Kitulo, Isapulano, Ipelele na Matamba