IFIKISHENI MAKETE TUNAPOTAKA-RC MTAKA

Tarehe Iliyowekwa: June 15th, 2023

Mkuu wa Mkoa wa Njombe Mhe. Anthony Mtaka amewataka Madiwani, wakuu wa Idara na Mkurugenzi Mtendaji Halamshauri ya Wilaya ya Makete kuanzisha miradi mikubwa ambayo inaweza kuifanya Makete ionekane Tanzania nzima na mahitaji muhimu Watanzania wayapate kutoka Makete.

Amesema hayo leo Juni 15, 2023 wakati akiwa kwenye Baraza Maalumu la kujibu Hoja za CAG na kuongeza kuwa lazima Makete tunayoihitaji uiumbwe kupitia uwajibikaji.

“Niwapongeze kwa kuanza na hatua ya uzalishaji wa Ngano mmeonesha kupiga hatua kubwa katika kukuza uchumi wa mkulima wa Makete”

“Nawaambia ukweli ngano itakuwa kuwa chanzo kikubwa cha Mapato katika Halmashauri hii ambapo tutaona magari makubwa yakibeba Ngano na kusafirisha kwenda Mikoa mingine

Wekeni dhamira ya kuitangaza Makete kwa uzalishaji wa Mazao yenye tija ili kuepukana na umasikini uliopo hivi sasa kwa Wananchi wetu”