KAMATI YA FEDHA, MIPANGO NA UTAWALA YATEMBELEA NA KUKAGUA MIRADI MBALIMBALI WILAYANI MAKETE

Tarehe Iliyowekwa: August 19th, 2023

KAMATI YA FEDHA, MIPANGO NA UTAWALA YATEMBELEA NA KUKAGUA MIRADI MBALIMBALI WILAYANI MAKE

Kamati ya Fedha, Mipango na Utawala imefanya ukaguzi wa miradi mbali mbali katika Halmashauri ya wilaya ya Makete ikiwa ni kuhakikisha matumizi ya fedha yanaendana na uhalisia wa miradi husika.

Akizungumza baada ya kutembelea miradi hiyo, Makamu mwenyekiti wa halmashauri ya wilaya ya Makate Mh. Hawa Kader, amepongeza shughuli zote za uendelezaji wa miradi hiyo ya elimu licha kuwepo kwa changamoto mbalimbali za upatikanaji wa malighafi kutoka changamoto ya Jeografia ya eneo husika.

Aidha, Mh. Kader ameongeza kuwa miradi hiyo inapaswa kuisha kwa wakati ikiwa ni pamoja na kuwashirikisha wananchi kwenye baadhi ya shughuli ambazo zinatakiwa kutatuliwa kwa haraka.

Nao baadhi ya wajumbe wa Kamati hiyo ya Fedha, Mipango na Utawala wameoneshwa kutoridhishwa na kasi ya ujenzi jengo la makao makuu ya Halmashauri ya Wilaya ya Makete, kutokana na mkandarasi huyo kutoendana na kasi inayotakiwa licha ya kulipwa pesa zote za awamu ya kwanza.

Kwa upande wake Mkurugenzi Mtendaji wa halmasahuri ya Wilaya ya Makete Ndg. William Makufwe amesema kuwa wameshamwandikia barua ya onyo mkandarasi huyo, na kwamba hadi sasa hawaoni kama amebadirika na kuomba kuchukua hatua nyingine Zaidi za kisheria ili kuhakikisha jengo hilo linakamalika kwa wakati.

Ikumbukwe kuwa, Kamati ya Fedha,Mipango na Utawala imekagua miradi mbalimbali katika kata nne za  Iniho, Ipelele, Kinyika na Matamba, ambapo kumekuwa na ujenzi wa vyumba vya madarasa, mabweni ya wanafunzi, nyumba za walimu mbili kwa moja, ujenzi wa vyoo vya wanafunzi, ujenzi wa jengo la makao makuu ya H/W Makete pamoja na nyumba ya Mkurugenzi mtendaji wa H/W Makete.

Imeandaliwa na Kitengo cha mawasiliano serikalini.

Halmashauri ya wilaya ya Makete.