KATA YA ITUNDU

Tarehe Iliyowekwa: April 23rd, 2022

Halmashauri ya Wilaya ya Makete imechangia kiasi cha shilingi Milioni 52 Kata ya Itundu kuchagiza shughuli za Maendeleo katika vijiji vya Igenge, Makusi na Magoye.

Hayo yamesemwa na Mkurugenzi Mtendaji Wilaya ya Makete Ndg. William Makufwe wakati akizungumza na wananchi wa Kata ya Itundu kwenye Mkutano uliotishwa na Mkurugenzi kwa ajili ya kusikiliza kero mbalimbali za Wananchi uliofanyika tarehe 22 Aprili 2022 Kijiji cha Makusi

Ambapo kijiji cha Igenge Serikali imechangia Milioni 12.5 kukamilisha Darasa shule ya Msingi Igenge, Milioni 12.5 kujenga Darasa shule ya Msingi Magoye na Milioni 27 kwa ajili ya ukamilishaji wa jengo la Utawala Sekondari ya Mlondwe iliyopo Kijiji cha Makusi.

Pia Serikali inaendelea kutekeleza miradi mbalimbali ya maendeleo katika Vijiji vya Makusi, Igenge,Magoye, Ikungula na Lugoda ambayo ni utekelezaji wa mradi wa Umeme wa REA, huduma ya Maji kupitia RUWASA na Barabara zinazounganisha kijiji na kijiji