KATA YA KINYIKA

Tarehe Iliyowekwa: April 23rd, 2022

Mkurugenzi Mtendaji Wilaya ya Makete Ndg. William Makufwe akiwa kwenye Mkutano na Wananchi katika Kata ya Kinyika kusikiliza kero za wananchi pamoja na kutoa mrejesho wa shughuli zilizofanywa na Serikali kwa mwaka wa fedha 2021/2022

Katika Mkutano huo Mkurugenzi Mtendaji Wilaya alisema "Serikali imetoa fedha kutekeleza Miradi mbalimbali ya Maendeleo katika Sekta ya Afya, Elimu, Barabara na Umeme"

Serikali imetoa fedha Kiasi cha Shilingi Milioni 50 kukamilisha ujenzi wa Zahanati Kijiji cha Nhungu na Zahanati ya Kinyika

Kwa upande wa Sekta ya Elimu Serikali imetoa kiasi cha Shilingi Milioni 37.5 ujenzi wa Madarasa mawili Shule ya Sekondari Kinyika kukabiliana na uhaba wa vyumba vya Madarasa

Serikali chini ya Wakala wa Barabara za Vijini na Mijini (TARURA) imetoa fedha kwa ajili ya kukarabati Kilomita 7 za barabara kutoka Matamba, Kinyika, Mwakwilya mpaka Kikondo

Pia imemelezwa kuwa Wadau wamechanga milioni 2 kuongeza ukarabati wa barabara hiyo huku wengine wakitarajia kuchangia fedha zingine milioni 7 kwa ajili ya kuhakikisha miundombinu hiyo inapitika wakati wote

Pia Vijiji vyote vya Kata ya Kinyika ambavyo ni Ndapo, Kinyika na Nhungu vimepata Umeme wa REA na sasa Serikali imejipanga kusambaza Umeme kwenye Vitongoji ambavyo havina huduma ya Umeme