KITUO CHA PAMOJA CHA KUUZIA MBAO, MBIONI KUANZISHWA WILAYANI MAKETE

Tarehe Iliyowekwa: November 24th, 2023

Halmashauri ya Wilaya ya Makete, inaendelea na Ujenzi wa kituo cha Soko la mbao la pamoja, katika Kata ya Mang’oto, litakalogharimu kiasi cha shilingi milioni 80, kwa lengo la kuwarahishia wafanyabiashara kupata bidhaa hiyo kiurahisi, pamoja na ukusanyaji wa mapato ya serikali.

Akizungumza leo Novemba 24,2023, katika kikao cha wadau wa mazao ya Miti, kilichofanyika katika kata Tandala, Wilayani Makete, Kaimu Mkurugenzi Mtendaji wa H/W ya Makete, Bi. Jackline Mrosso, amesema kuwa lengo la ujenzi wa soko hilo ni kutaka kuwa na soko la pamoja ambalo litakuwa na uhakika wa upatikanaji wa bidhaa, ikiwa ni pamoja na kuondoa urasimu wa upatikanaji wa vibali kamavile TP.

”Kumekuwa na maeneo mengi ya kuuzia Mbao, na kupelekea changamoto za ukusanyaji wa mapato ya serikali, Usumbufu katika kupata vibali vya usafirishaji wa zao hilo, hivyo basi uwepo eneo hilo litarahisiha uuzaji na ununuaji wa bidhaa hiyo” Alisema Bi.Jackline Mrosso.

Sambamba na hayo, Bi. Mrosso, amesema kuwa kikao hicho kimekuwa na lengo kubwa la kuweka makubaliano baina ya Halmashauri ya Wilaya ya Makete, namna bora ambayo wanaweza kufanya biashara katika mazuri pamoja na urahihishaji wa upatikanaji wa bidha.

Kwa upande wao, wafanyabishara wa Mbao, Ndg. Henrick Sanga, na Ndg. Petro Sanga, wameishukuru Halmashauri ya Wilaya ya Makete, kwa kuweka soko la pamoja kwakuwa litawarahishia katika kupata bidhaa, hata hivyo wameomba kuongezwa kwa vituo vingine zaidi ili kuwe na upana zaidi katika biashara hiyo muhimu.

Imeandaliwa na:

Kitengo cha Mawasiliano Serikalini, 

Halmashauri ya Wilaya ya Makete.