MADIWANI SIMAMIENI MIRADI - MHE FUNGO

Tarehe Iliyowekwa: May 10th, 2024

Kikao cha Baraza la Madiwani kinaendelea leo Mei 10,2024 kwenye ukumbi wa Bomani, uliopo katika ofisi za Halmashauri ya Wilaya ya Makete.

Kikao hicho kimelenga kupokea na kujadili taarifa za Kamati za Kudumu, kwa kipindi cha robo ya tatu, mwaka wa fedha wa 2023/2024.

Akitoa taarifa katika kikao hicho, Mwenyekiti wa Halmashauri ya Wilaya ya Makete, Mhe. Christopher Y. Fungo, amewataka madiwani kusimamia miradi kwa nguvu zote ili isivuke mwaka mwingine wa Fedha wa 2024/2025.

Aidha, Mhe. Fungo, ameishukuru serikali ya Jamhuri ya Muungano wa Tanzania, inayoongozwa na Mhe. Dkt. Samia Suluhu Hassan, kwa kuipatia Halmashauri hiyo, gari la kubebea wagonjwa, ambalo litaenda kuhudumu katika Kata ya Lupila.

Sambamba na hayo, Mhe. Fungo, amewataka Madiwani wa Halmashauri ya Wilaya ya Makete, kusimamia mapato katika maeneo yao kwakuwa ndio muhimili wa kukua kwa uchumi na maendeleo ya Halmashauri.

Ikumbukwe kuwa, hiki ni kikao cha Pili baada ya kutanguliwa na kikao cha kwanza cha Mei 9,2024, ambacho kililenga kupokea na kujadili taarifa za shughuli mbalimbali zinazofanyika katika kata zote za Halmashauri ya Wilaya ya Makete.