MADIWANI WAPONGEZA UJENZI KITUO CHA AFYA MBALATSE

Tarehe Iliyowekwa: February 14th, 2023

Kamati ya Fedha, Mipango na Utawala imeridhishwa na ujenzi Kituo cha Afya Mbalatse kinachojengwa kwa fedha za mapato ya ndani ya Halmashauri ambapo mpaka kukamilika kwake inatarajiwa kugharimu Milioni 400 na fedha zote zimeshatolewa.

Makamu Mwenyekiti wa Halmashauri ya Wilaya Makete Mhe. Hawa Kader amesema "tuwapongeze waheshimiwa Madiwani, Mkurugenzi, wakuu wa Idara na Divisheni kwa ushirikiano na kuamua kituo cha Afya kijengwe Mbalatse "

Kaimu Mkurugenzi Mtendaji Halmashauri ya Wilaya Albert Msemo amesema kupitia mapato ya ndani Halmashauri imetenga fedha Milioni 400 kwa ajili ya Ujenzi wa Kituo cha Afya na Maendeleo yake ni mazuri.

"Ujenzi wa Kituo hiki utapunguza adha ya wananchi kusafiri umbali mrefu zaidi ya Kilomita 50 kufuata huduma za Afya na kuokoa maisha ya wanawake na watoto"

Mganga Mkuu Wilaya ya Makete Ligobert Kalisa amewapongeza wananchi wa Kata ya Mbalatse kwa namna wanavyojitolea katika shughuli za Maendeleo ikiwemo kutoa nguvu kazi kushiriki kwenye ujenzi huo.