MAFUNZO YA WAKUFUNZI WA SENSA NJOMBE YAHITIMISHWA

Tarehe Iliyowekwa: July 26th, 2022

Mkuu wa Mkoa wa Njombe,Mhe.Waziri.W.Kindamba amehitimisha Mafunzo ya Wakufunzi wa Sensa ya Watu na Makazi ya mwaka 2022 Mkoa wa Njombe, hafla hiyo imefanyika tarehe leo 26/07/2022 katika Ukumbi wa Halmashauri ya Njombe-Mji.

Mafunzo haya ya ngazi mkoa yamechukua siku 21,yalianza tarehe 6/07/2022 Kiasi cha Wakufunzi 144,na Walimu 8 wameshiriki katika mafunzo.

Kwa mujibu wa taarifa iliyotolewa na Mratibu wa Sensa Mkoa,Bw.Israel Mwakapalala,Wakufunzi hao watatoa mafunzo kwa Makarani wa Sensa 3665 watakaotumika katika ngazi ya Halmashauri na Wilaya katika Mkoa.

Akihitimisha mafunzo hayo,Mkuu wa Mkoa wa Njombe amesisitiza kwamba 'Zoezi hili la Sensa lifanyike kwa Umakini na kuweka picha ya Mfano kwa Mikoa mingine.

Aidha amewapongeza Wakufunzi hao kwa ufaulu mzuri wa Mafunzo yao ambapo hafla hiyo ilihudhuriwa na Katibu Tawala Mkoa wa Njombe,Bi Judica Omari,Mwenyekiti wa CCM Mkoa Bw. J.Mwamala,pamoja na Wakuu wa Wilaya zilizopo Mkoa wa Njombe.