MAKAMU WA RAIS MHE. DKT. PHILIP MPANGO AKABIDHI HATI 6881 KWA WANAMAKETE

Tarehe Iliyowekwa: October 27th, 2023

Makamu wa Rais wa Jamhuri ya Muungano wa Tanzania, Mhe. Dkt. Philip Isdor Mpango, amepongeza ujenzi wa mradi wa Umeme, wa KKKT, Ijangala uliopo Wilayani Makete, katika kata ya Ukwama kutokana na umuhimu wake katika kupunguza adha ya nishati nchini.

Mhe. Dkt. Mpango, amesema hayo leo October 27, 2023, akiwa katika Viwanja wa Diakonia, Tandala, Wilayani Makete, baada ya kuzindua mradi wa Umeme wa Ijangala, kuwa ujenzi wa mradi huo ni utekelezaji wa Ilani ya CCM, ya mwaka 2020-2025.

Sambamba na hayo, Mhe. Dkt. Mpango, amewataka wanamakete kuhakikisha wanazingatia ulaji wa Lishe bora katika makuzi ya Watoto wadogo, ikiwa ni pamoja na kuwapa Elimu Bora ili waje kuwa wakombozi wa jamii inayowazunguka.

Aidha, Mhe. Mpango, amekemea ukatili wa kijinsia unaoendelea kwenye baadhi ya Maeneo hapa nchini, ambapo amemtaka, kila mtu kuwajibika Kwa Nafasi yake, ili jamii iwe salama, kikiwa ni pamoja na kuwa na kizazi kilichobora Kwa maisha ya baadae.

Aidha, Mhe. Dkt. Mpango, amelishukuru Kanisa la Kiinjili la Kiluther Tanzania, KKKT, Kwa kuwa mstari wa Mbele katika kuhakikisha wananchi wanapata Huduma Bora, katika Afya na Elimu, Sambamba na hayo, Dkt. Mpango, amekemea uharibifu wa Mazingira ikiwa ni pamoja uchomaji moto miti, Ili kuhakikisha uoto wa asili uliopo unadumu na Wilaya ya Makete inakuwa eneo la uzalishaji Mali.

Makamu wa Rais wa Jamhuri ya Muungano wa Tanzania, Mhe. Dkt. Philip Isdor Mpango, ameipa siku Saba Mamlaka ya Usimamizi na Usafiri Ardhini, LATRA, kuhakikisha wanatafuta ufafanuzi wa kuwepo Kwa nauli kubwa kati ya Njombe - Makete.

Kwa Upande wake, Waziri wa Maji Mhe. Juma Aweso, amesema kuwa, Serikali ya Rais Mhe.  Dkt. Samia Suluhu Hassan , imedhamiria kumtua mama Ndoo kichwani, ili wananchi waweze kumudu maisha yao ya Kila Siku, hivyo basi wanamakete endeleeni kuunga mkono juhudi za serikali.

Ikumbukwe kuwa, katika hafla hiyo, Mhe. Dkt. Mpango amekabidhi hati miliki za ardhi 6881 Kwa wanamakete ambao wameshapimiwa maeneo yao kwa matumizi ya kilimo cha ngano, ikiwa ni mwendelezo serikali katika kupanga matumizi bora ya ardhi hapa nchini.

Imeandaliwa na: 

Kitengo Cha Mawasiliano Serikalini,

Halmashauri ya Wilaya ya Makete. 

ReplyForward