MHE. HAWA KADER ACHAGULIWA MAKAMU MWENYEKITI MAKETE DC

Tarehe Iliyowekwa: August 27th, 2022

Diwani Viti maalumu tarafa ya Ikuwo Mhe. Hawa Kader amechaguliwa kuwa Makamu Mwenyekiti wa Halmashauri ya Wilaya ya Makete kwa mara ya pili kwa kipindi cha mwaka 2022/2023.

Akitangaza matokeo ya uchaguzi huo Mwenyekiti wa muda aliyesimamia uchaguzi huo Diwani Kata ya Mfumbi Mhe. Atilyo Ng’ondya amesema kura zilizopigwa ni 29, kura za Hapana ni 1 na kura za ndiyo ni 28.

Hivyo amemtangaza Mhe. Hawa Kader kuwa Makamu mwenyekiti wa Halmashauri kwa kupata ushindi wa kura 28 kati ya 29 zilizopigwa ambapo hakuwa na mpinzani katika uchaguzi huo.

Uchaguzi huo umesimamiwa na Mwanasheria wa Halmashauri ya Wilaya ya Makete Bwana Apollo Laizer katika baraza la Madiwani lililohudhuriwa na Mkuu wa Wilaya ya Makete Mhe. Juma Sweda, Mkurugenzi Mtendaji Halmashauri ya Wilaya Bwana William M. Makufwe, maafisa Tarafa na wakuu wa Idara