MIAKA MITATU MADARAKANI YA RAIS DKT. SAMIA SULUHU HASSAN, MAKETE YAPATA BILIONI 21 ZA MIRADI - DED MAKUFWE

Tarehe Iliyowekwa: March 26th, 2024

Mkurugenzi mtendaji wa Halmashauri ya Wilaya ya Makate, Ndg. William M. Mkufwe, amesema kuwa, zaidi ya bilioni 21,118,911,291.24 zimeletwa wilayani Makete, ili kufanikisha uboreshaji wa Elimu msingi, Sekondari na Afya, ikiwa ni kipindi cha miaka 3 tu, tangu kuingia madarakani kwa Rais wa Jamhuri ya Muungano wa Tanzani, Mhe, Dkt. Samia Suluhu Hassan.

Ndg. Makufwe, amebainisha hayo, wakati akizungumza na vyombo vya habari, Machi 26, 2024 kuwa, halmashauri ya wilaya ya Makete imefunguka kimiradi na kiuchumi kuanzia ngazi za vijijini hadi makao makuu ya wilaya tangu kuingia kwa Rais Dkt. Samia Suluhu Hassan.  

“kwa kipindi cha miaka mitatu, tumeletwa shilingi bilioni 21,118,911,292.24 ili kuboresha miundombinu, katika sekta mbalimbali hapa halmashauri, ambapo Elimu Msingi tumepewa shilingi bilioni 4,412,619,014.90, Elimu Sekondari tumepewa shilingi bilioni 14,078,599,142.90, Afya tumepewa shilingi bilioni 5,761,873,162.27 na shilingi bilioni 2 tumepewa kwaajili ya ujenzi wa Makao makuu ya Halmashauri ya Wilaya ya Makete” alisema Ndg. Makufwe.

Aidha, Ndg. Makufwe amesema kuwa, lengo la serikali katika halmashuri ya Wilaya ya Makete, ni kuhakikisha kuwa kila mwananchi anapata huduma bora kupitia uboreshani wa miundombinu sambamba na uwepo wa rasilimali watu wa kutosha, ambao wataenda kuwahudumia wananchi kiufasaha.

Sambamba na hayo, Mkurugenzi Mtendaji wa Halmashauri ya Wilaya ya Makete, Ndg. Mkufwe, amewataka wazazi na walezi Wilayani Makete kuwapeleka watoto shule, kutokana na uwepo wa mazingira bora ya kujisomea.

Nao, baadhi ya wanafunzi wa Shule mpya ya Sekondari Tupevilwe, iliyopo kata ya Bulongwa, wilayani Makete, wamemshukuru Rais Dkt. Samia Suluhu Hassan, kwa kuwajengea miundombinu bora ya elimu ambayo inawafanya wafurahie kusoma na kwamba watahakikisha wanafaulu ili waje kulitumikia tafia la Tanzania.

Ikumbuwe kuwa, tarehe 19/3/2024 Rais wa awamu ya Sita, Mhe. Dkt. Samia Suluhu Hassan, ametimiza miaka 3 tangu apewe jukumu la kuiongoza nchi, kutokana na kufariki kwa aliyekuwa Rais wa awamu ya tano Hayati Dkt. John Pombe Magufuli, ambaye alifariki tarehe 17/3/2021.

Imeandaliwa na: 

Kitengo cha Mawasiliano Serikalini, 

Halmashauri ya Wilaya ya Makete.