MIAKA MITATU YA RAIS DKT. SAMIA SULUHU HASSAN, UPATIKANAJI WA MAJI 91.6% WILAYANI MAKETE - DC SWEDA

Tarehe Iliyowekwa: March 26th, 2024

Mkuu wa Wilaya ya Makete Mhe. Juma Sweda ameishukuru Serikali ya Jamhuri ya Muungano wa Tanzania, kwa kuwajengea miradi ya Maji zaidi ya 17, wilayani humo, na kupelekea upatikanaji wa maji kwa asilimia 91.6.

Mhe. Sweda, amesema hayo leo, tarehe 25 Machi, 2024, wakati akiwa Mgeni rasmi katika kikao Cha wadau wa Maji Wilaya ya Makete, kilichofanyika ukumbi wa Bomani, ulipo katika Halmashauri hiyo.

"Miaka mitatu ya Rais Dkt. Samia Suluhu Hassan, imekuwa na tija sana kwa Wilaya ya Makete, ambapo kwasasa yanapatikana kwa asilima 91.6, tofauti na miaka ya nyuma na kupelekea wananchi kufurahia huduma hiyo" Alisema Mhe. Sweda.

Aidha Mhe. Sweda amewashukuru wananchi wa wilaya hiyo ya Makete, kwa kutunza vyanzo vya Maji sambamba na miradi mikubwa ambayo imejengwa kwenye maeneo yao.

Nae, Afisa Maendeleo ya Jamii wa Mkoa wa Njombe Ndg. Seleman Mdaba, amesema kuwa Mkoa huo umeweka mpango kazi ambao utawafanya wakazi wote Mkoa wa Njombe kufikiwa na maji safi na Salama kwa bei nafuu.

Kwa Upande wake, Meneja wa Wakala wa Maji na Usafi wa Mazingira Vijijini Wilaya ya Makete, (RUWASA), Mhandisi Innocent Lyamuya amesema katika kufanikisha malengo yaliokusudiwa na serikali ya kutoa huduma ya Maji, wameunda vyombo vya utoaji huduma ya maji ngazi ya jamii ili kufanikisha ukusanyaji wa Ankara sambamba na utunzaji wa miradi hiyo.

Hata hivyo, Mwenyekiti wa Halmashauri ya Wilaya Makete Mhe. Christopher Fungo, akihitimisha Kikao hicho kwa niaba ya Mkuu wa Wilaya ya Makete, Mhe. Sweda, amewataka viongozi wa kata Wilayani humo, kushirikiana na watendaji wa mamlaka ndogo za maji, katika kata ili kutunza na kusimamia vyanzo vya sambamba na ukusanyaji wa Ankara za maji kwa ufasha kwa dhumuni la kuendeleza miradi ya maji iliyoletwa na Serikali.

ReplyForward Add reaction