MKUTANO WA WADAU WA NGANO MAKETE

Tarehe Iliyowekwa: September 11th, 2022

Kuelekea kufanyika mkutano mkubwa wa wadau wa ngano utakaofanyika Wilayani Makete Mkoani Njombe zimebaki siku 5 tu muhimu kwa maandalizi na unakaribishwa uweze kushiriki kwenye Mkutano huo muhimu

Mkutano huu unalenga kuwakutanisha wadau wa Kilimo ambao ni wakulima zaidi ya 300, wanunuzi na wazalishaji wa bidhaa zinazotokana na zao la Ngano kama Bakhresa Group, Azania Group, Sunkist Group, Bodi ya Mazao mchanganyiko na wengine wengi.

Mkurugenzi Mtendaji Wilaya ya Makete Bwana William M. Makufwe amesema lengo la Mkutano huo ni kupanga namna bora ya kufanya kilimo cha ngano chenye tija kwa wakulima kufuatia uhitaji mkubwa wa zao hilo nchini na nje ya nchi Halmashauri imeamua kuweka zao hili kama zao la kimkakati kuanzia mwaka wa 2023 utakapofika msimu wa Kilimo mwezi Februali.

Makufwe amesema Mkutano huo utafanyika katika ukumbi wa Madihani Villa Makete Mjini ambapo Mgeni rasmi anatarajiwa kuwa Mkuu wa Mkoa wa Njombe Mhe. Antony Mtaka.

Pia wadau mbalimbali na Taasisi za kifedha zitashiriki ikiwemo Bank, wauzaji na wasambazaji wa pembejeo za Kilimo nao watakuwepo.