MKUU WA MKOA WA NJOMBE MHE. ANTONY MTAKA AWATAKA WAFUGAJI KUTEMBELEA SHAMBA LA MIFUGO LA KITULO

Tarehe Iliyowekwa: October 28th, 2023

Mkuu wa Mkoa wa Njombe, Mhe. Antony Mtaka, ametoa rai kwa watanzania ambao wapo tayari kuwekeza katika Ufugaji wa Ng'ombe , kutembelea shamba la kufugia Ng'ombe la Kitulo, lilipo Wilayani Makete, ili waweze kujipatia Mitamba iliyo bora zaidi.

Mhe. Mtaka amesema hayo leo October 28, 2023, Wakati akikabidhi zawadi ya Mitamba miwili yakike yenye ujauzito, kwa Makamu wa Rais wa Jamhuri ya Muungano wa Tanzania, Mhe, Dkt. Philip Isdor Mpango, katika kilele cha Maonesho ya Nne ya SIDO, kwenye Viwanja vya Sabasaba, mkoani Njombe.

"mheshimiwa Makamu wa Rais, miaka ya nyuma watanzania walilazimika kutembea umbali mrefu hadi Afrika Kusini, Ili waweze kupata mbegu bora ya Ng'ombe, kutokana na shamba letu kuyumba, Kwa zawadi hii tunaamini utakuwa shahidi wa uzalishaji wa Maziwa" Alisema Mhe. Mtaka.

Aidha, Mhe. Antony Mtaka, ameongeza kuwa, zawadi ya Mitamba hiyo , ni ishara tosha ya kuwaambia watanzania kuwa, shamba la Kitulo, lililopo Wilayani Makete, Mkoani Njombe, limeanza kazi ya kuzalisha mbegu bora za Ng'ombe wa Maziwa.

Hata hivyo, Ikumbukwe kuwa,leo October 28, 2023, ilikuwa ni Kilele cha Maonesho ya Nne ya SIDO Kitaifa, ambapo kwa mwaka huu, yamefanyika Mkoani Njombe, katika Viwanja vya Sabasaba, na Kuhitimishwa na Makamu wa Rais wa Jamhuri ya Muungano wa Tanzania, Mhe, Dkt. Philip Isdor Mpango.

Imeandaliwa na: 

Kitengo Cha Mawasiliano Serikalini, 

Halmashauri ya Wilaya ya Makete.