MKUU WA WILAYA YA MAKETE MHE. SWEDA AWATAKA MAFUNDI WANAOTEKELEZA MIRADI YA SERIKALI WILAYANI HUMO KUKAMILISHA KWA WAKATI

Tarehe Iliyowekwa: June 20th, 2024

Mkuu wa Wilaya ya Makete, Mhe. Juma S. Sweda amewataka mafundi wanaojenga jengo la Bweni la Wavulana, Shule ya Sekondari Usililo kuongeza kasi ya umaliziaji ili kuyokana na uhitaji wake kwa sasa.

Mhe. Sweda, amesema hayo leo Juni 20, 2024 akiwa katika ziara ya Ukaguzi wa Miradi ya Serikali katika Kata za Luwumbu na Kipagalo, zilizopo Wilayani Makete, Mkoani Njombe.

" Sijaridhishwa na kasi ya Mafundi wanaojenga Bweni hili la Wavulana, hivyo nawataka kukabidhi Jengo hili ifikapo Juni, 27, 2024, ili lianze kutumika na Watoto wakiume wanaosoma shuleni hapa" alisema Mhe. Sweda.

Aidha, Mkuu huyo wa Wilaya, amepongeza juhudi za mafundi wanaojenga madarasa 12 na Matundu 10 ya vyoo, kwaajili ya wanafunzi wa kidato cha Tano na Sita na kuwataka kukamilisha mapema ili wanafunzi watakaoanza Masomo yao mwezi wa Saba, waweze kutumia majengo hayo.

Aidha, Mhe. Sweda, akiwa katika Kata ya Kipagalo, ameoneshwa kuridhishwa na kasi ya Ujenzi wa Kituo cha Afya Kipagalo, ambacho kitakuwa na Huduma za Wagonjwa wa Nje pamoja Jengo la Mama na Mtoto na kuwataka CMC kusimamia mradi huo kikamilifu ili uweze kukamilika kwa wakati.

Ikumbukwe kuwa, Mkuu wa Wilaya ya Makete, Mhe. Juma Sweda, akiwa katika ziara hiyo, ameongozana na Katibu Tawala wa Wilaya hiyo, Bi. Grace Mgeni.