MSIMAMIZI WA UCHAGUZI JIMBO LA MAKETE ASISITIZA KUZINGATIA KANUNI ZA UCHAGUZI KATA YA KINYIKA

Tarehe Iliyowekwa: July 10th, 2023

Msimamizi wa Uchaguzi Jimbo la Makete Ndg. Willium Makufwe amewataka  wasimamizi wa vituo vya kupigia kura  kuzingatia mafunzo wanayopewa kwani lengo kubwa la Tume ya Taifa ya Uchaguzi ni kuhakikisha wanajengewa uwezo wa kujua majukumu ambayo wanapaswa kufanya katika vituo vya kupigia kura.

Amesema hayo wakati akifungua mafunzo ya siku mbili kwa wasimamizi wa vituo vya kupigia kura ambapo amewapongeza kwa kuteuliwa kufanya kazi hiyo huku akiwaasa kusikiliza kwa makini mafunzo hayo kwani itawarahisishia kufahamu mambo ya msingi katika vituo vya kupigia kura

Makufwe amesema wasimamizi wa vituo ndio kiini cha Uchaguzi hivyo amewataka kuwa wasikivu kwani wanaenda kufanya kazi kubwa na nyeti ya uchaguzi.

Wakati huohuo ametaka kutumia lugha nzuri, upole na unyenyekevu kwa wapiga kura kwani ndio wajibu wao

Uchaguzi mdogo wa nafasi ya Diwani Kata ya Kinyika utafanyika alhamisi ya tarehe 13 wiki hii

@tumeyauchaguzi_tanzania