PELEKENI WATOTO WADOGO KLINIKI, MJUE AFYA ZAO-BI. JACKLINE NANNAUKA

Tarehe Iliyowekwa: November 21st, 2023

Wakazi wa Kijiji Cha Ndapo, kilichopo kata ya Kinyika, pamoja na Kijiji cha Makusi kilichopo kata ya Itundu, wametakiwa kuwapeleka Watoto wao kliniki, kila baada ya miezi miezi mitatu, ili kuhakikisha wanajua Maendeleo ya ukuaji wao mara kwa mara.

Hayo yamesemwa leo, Novemba 21, 2023, na Bi. Jackline Nannauka,  wakati utolewaji wa Elimu ya Umuhimu wa Lishe bora kwa mtoto mdogo, kuwa, kumpeleka mtoto kliniki mara kwa mara kutachangia kujua maendeleo ya Mtoto wako kiafya,  hivyo itakuwa rahisi kupambana na utamiamlo , ili asipatwe na Udumavu.

"Pelekeni Watoto Kliniki, Ili muweze kujua kama.mtoto anapungukiwa na Lishe mwilini, hii itasaidia Kupambana na Udumavu kwa Watoto wetu majumbani".Alisema Bi. Jackline Nannauka.Sambamba na hayo,Bi. Jackline, amewataka  wakazi wa Vijiji vya Ndapo na Makusi kulima bustani ndogo za Mboga Mboga katika maeneo yao ya nyumbani, pamoja na Maeneo ya Shule hasa ambazo zinawalisha wanafunzi ili waweze kujengewa uwezo wa kiakili na kifikra.

Naye Afisa Maendeleo ya Jamii, Wilaya ya Makete, Bi. Esther Lamosai, akizungumzia ukatili, amewataka wakazi wa Vijiji vya Ndapo na Makusi, kuhakikisha kuwa wanapambana na mimba za utotoni pamoja ukatili mwingine unaoendelea kwenye maeneo yao.

Kwa Upande wake, Diwani wa Kata ya Itundu, Mhe. Fadhili Onia Sanga., amesema kuwa ni aibu kubwa kwa Wilaya ya Makete, kuwa na Udumavu kutokana kuwepo kwa kila aina ya Chakula, hivyo kila mwananchi anatakiwa kuhakikisha nyumbani kwake kunapatikana mlo kamili, wenye kuzingatia makundi yote.

Hata hivyo,  mkazi wa Kijiji Cha Makusi, Bw. Nelson Manda Konga, amesema kuwa, kuna haja ya Serikali kuwajengea uwezo wananchi katika Ufugaji wa Kuku na Ng'ombe kisasa zaidi, ili waweze kupata Maziwa na Mayai ya Kutosha.

Ikumbukwe kuwa, Leo Novemba 21, 2023, Kampeni ya Kutokomeza Udumavu Wilayani Makete, imeendelea Kwa kufanya mikutano ya hadhara katika Kijiji cha Ndapo kilichopo kata ya Kinyika, pamoja na Kijiji Cha Makusi, kilichopo kata ya Itundu.

"LISHE BORA KWA MTOTO MDOGO NDIO MPANGO MZIMA"

Imeandaliwa na :

Kitengo Cha Mawasiliano Serikalini, 

Halmashauri ya Wilaya ya Makete.

ReplyForward