POCHI LA MAMA SAMIA LINAVYOKIMBIZA UJENZI WA MADARASA MAKETE

Tarehe Iliyowekwa: October 20th, 2022

Kamati ya fedha, mipango na Utawala Halmashauri ya Wilaya Makete, wakuu wa Idara na vitengo leo octoba 20,2022 imekagua miradi mbalimbali ikiwemo mradi wa ujenzi wa chumba kimoja cha Darasa shule ya Sekondari Lupalilo.

Kamati hiyo ikiwa katika ukaguzi huo imewapongeza viongozi wa Tarafa na Kata ya Tandala kwa mshikamano mkubwa walionao katika kusimamia ujenzi wa miradi ya Serikali.

KUTAZAMA VIDEO BONYEZA HAPA

Wakiwa shule ya Sekondari Lupalilo mmoja wa wanakamati hao Mhe. Saineli Nyambo Diwani Kata ya Matamba amesema “Ujenzi wa Darasa hilo ni mfano wa kuigwa na maeneo mengine ambayo hayajaanza kikiwemo sisi ambao tumepokea Milioni 40 kujenga vyumba viwili vya madarasa”

Shule ya Sekondari Lupalilo imepata fedha kiasi cha shilingi Milioni 20 kupitia pochi la mama kwa ajili ya kujenga chumba kimoja cha Darasa.