RAIS SAMIA AZINDUA SOKO KUU NJOMBE MJINI

Tarehe Iliyowekwa: August 10th, 2022

Rais wa Jamhuri ya Muungano wa Tanzania Mhe. Samia Suluhu Hassan amezindua rasmi soko kuu la Njombe mjini katika hafla iliyofanyika Mkoani Njombe leo 10 Agosti 2022.

Soko hilo limegharimu zaidi ya Bilioni 10 fedha za Kitanzania ambapo Mhe. Samia amesema soko hilo ni fursa kubwa kwa wananjombe katika kutoa maeneo huru ya kufanya biashara katika mazingira Rafiki zaidi kwa kuwa ni soko la kisasa lenye kila aina ya mahitaji muhimu kwa wajasiriamali.

Pia ameagiza kujengwa kwa chumba maalumu kwa ajili ya huduma ya malezi ya Watoto wa akina mama wanaojihusisha na shughuli mbalimbali sokoni hapo.

Kwa upande wake Waziri wa TAMISEMI Innocent Bashungwa amesema Rais Sami ani kama mama mlezi bora wa Taifa kwa kuwa amekuwa akiwafuta machozi watanzania na wananjombe ambapo soko hilo lina uwezo wa kubeba wafanyabiashara wasiopungua 680, vyoo 47 na migahawa miwili.