RAS - NJOMBE ARIDHISHWA NA UTEKELEZAJI WA MIRADI, HALMASHAURI YA WILAYA YA MAKETE

Tarehe Iliyowekwa: August 23rd, 2024

Katibu Tawala wa Mkoa wa Njombe, Bi. Judica Omari, leo Agosti 23,2024, amekagua Miradi ya Maendeleo katika Halamshauri ya Wilaya ya Makete, iliyopo kwenye Kata ya Kipagalo pamoja na Luwumbu, ambayo ni Miradi ya TASAF pamoja na Elimu Sekondari.

Akiwa katika Ukaguzi, Bi. Judica Omari, ameoneshwa kuridhishwa na Usimamizi wa Miradi ikiwa ni pamoja na Utendaji kazi wa Mafundi, ambapo ameagiza kukamilisha kazi chache ambazo zimebaki ili miradi hiyo ikamilike kwa wakati na kuanza kutoa huduma kwa Wananchi.

"Hongereni kwa Usimamizi Mzuri wa Miradi, kwakweli mmezitendea haki Fedha zinazoletwa na Rais Dkt. Samia Suluhu Hassan, shirikianeni Vizuri, katika Kila hatua ili miradi hii ikikamilika iwe na ubora unaotakiwa na serikali " Alisema Bi. Judica Omari.

Aidha, Bi. Judica, amezipongeza Kamati za Usimamizi wa Miradi ya TASAF ngazi ya Jamii, CMC, kwa Ushirikiano Mzuri katika Usimamizi wa Miradi hiyo.

Sambamba na hayo,akiwa katika mradi wa Madarasa 12, na vyoo 20, vya Shule ya Sekondari Usililo iliyopo Kata ya Luwumbu, amefurahishwa na ubora wa majengo hayo, ambayo yataenda kutumika na Kidato cha Tano na Sita, licha ya kukagua kukamilisha baadhi ya kazi zilizobaki.

Kwa Upande Mkurugenzi Mtendaji wa Halmashauri ya Wilaya ya Makete, Ndg. William M. Makufwe, licha ya kukiri Kupokea maelekezo ya Katibu Tawala Mkoa wa Njombe, pia amemshukuru Rais Dkt. Samia Suluhu Hassan, kwa kupeleka Fedha za Miradi mbalimbali Wilayani humo, na kuahidi kuzisimamia ipasavyo.

Nao, Madiwani wa Kata za Luwumbu na Kipagalo, Mhe. Felix Kyando, na Mhe. Nehemiah Kayanda Sanga, wameishukuru Rais Dkt. Samia Suluhu Hassan, kwa kuwapa Fedha hizo za Miradi.

Ikumbukwe kuwa, Katibu Tawala wa Mkoa wa Njombe, Bi. Judica Omari, leo Agosti 23,2024, ametembelea na kukagua ya Ujenzi wa Bweni la Washichana, Madarasa 12 na Matundu ya Vyoo 18, katika Shule ya Sekondari Usililo, yenye thamani ya Shilingi millioni 507,411,483, pamoja na Ujenzi wa Kituo Cha Afya Kipagalo, ambacho kitaghalimu kiasi cha shilingi Milioni 805,788,185.