RC MTAKA AMSHUKURU RAIS MHE, DKT. SAMIA SULUHU HASSAN, KWA KUWEKA RUZUKU KWENYE PEMBEJEO ZA KILIMO HASA MBOLEA.

Tarehe Iliyowekwa: December 21st, 2023

Mkuu wa Mkoa wa Njombe, Mhe. Antony Mtaka, leo Desemba 21, 2023, amemshukuru Rais wa Jamhuri ya Muungano wa Tanzania, Mhe. Dkt. Samia Suluhu Hassan, kwa kuwawezesha wakulima mkoani humo, kuzalisha mazao kwa wingi baada ya kuweka ruzuku katika pembejeo za kilimo hususani Mbolea.

Mhe. Mtaka  amesema hayo, wakati wa Mkutano na waandishi wa Habari wa kuelezea utekelezaji wa  miradi mbalimbali ambayo imefanyika mkoani humo, kuwa, uwekaji wa ruzuku katika Mbolea umepunguza gharama kwa wakulima na kupelekea kuongezeka kwa uzalishaji wa mazao hasa. ya Biashara.

Aidha, Mhe. Mtaka, amewataka watumishi wa Umma mkoani humo, kuwa waadilifu ikiwa ni pamoja na kuiweka  Tanzania mbele katika kutimiza majukumu ya Serikali pamoja na watanzania kwa Ujumla.

Kwa Upande wake, Mkurugenzi Mtendaji wa Halmashauri ya Wilaya ya Makete,  Ndg. William M. Makufwe, akitoa taarifa za utekelezaji wa  miradi katika Halmashauri hiyo, amesema kuwa kwa kipindi cha miaka miwili Serikalini imeweza kuboresha hospitali ya Wilaya na kuifanya kuwa bora zaidi  kwa kujenga majengo ya Dharula, Upasuaji na kuwekewa vifaa vya kisasa vyenye ubora.

Aidha, Ndg. Makufwe, amesema kuwa, kwa Upande wa Elimu, Serikali imeboresha kwa kuongeza miundombinu mbalimbali katika Shule za Sekondari na Msingi wilayani Makete, ikiwa ni pamoja na kujenga Shule za Sekondari katika kila kata, kasoro kata mbili ambazo zipo katika mpango ili kuhakikisha kuwa watoto wanasoma katika mazingira bora.

Sambamba na hayo, Ndg. Makufwe, ameishukuru Serikali kwa kuwawezesha wakulima wa Halmashauri hiyo, kupitia Kilimo cha Ngano kwa kuwapa mbegu bora, zaidi ya tani 1000.

Ikumbukwe kuwa, Kwa mwaka wa Fedha, wa 2022/2023, Halmashauri ya Wilaya ya Makete, imepewa shilingi Bilioni 10,828, 091,870.88 , ikiwa ni Fedha za utekelezaji wa  miradi mbalimbali Wilayani Makete.

Hata hivyo, akifingua mkutano huo wa Waandishi wa habari, Mkurugenzi Mtendaji wa Habari Maelezo, na  Msemaji Mkuu wa Serikali, Ndg. Mobhare Matinyi, amesema kuwa lengo la kuandaa mkutano huo ni kuuhabarisha Umma kuhusu miradi inayotekelezwa na serikali.