SERIKALI YAGAWA PIKIPIKI TANO KWA MAAFISA UGANI, NI KATIKA KURAHISISHA SHUGHULI ZA KILIMO WILAYANI HUMO

Tarehe Iliyowekwa: January 30th, 2024

Halmashauri ya Wilaya ya Makete leo Januari 30, 2024, imegawa Pikipiki 5 kwa Maafisa Ugani, watano ikiwa ni mwendelezo wa kurahisisha upatikanaji wa huduma za kiufugaji na Kilimo kwenye maeneo ya vijijini.

Akiongea mara baada ya kukabidhi Pikipiki hizo, Mwenyekiti wa Halmashauri ya Wilaya ya Makete, Mhe. Christopher Y. Fungo, ameishukuru Serikali kwa kuendelea kuitazama Makete Kwa jicho la pekee katika kukuza Maendeleo ya Wilaya hiyo, sambamba na kuwataka Maafisa Ugani hao kuzitumia Pikipiki hizo katika shughuli za serikali,katika kutoa Elimu ufungaji na Kilimo Bora. 

Kwa Upande Wake, Mkurugenzi Mtendaji wa Halmashauri ya Wilaya ya Makete Ndg, William M. Makufwe, amesema lengo la Serikali kutoa Pikipiki hizo ni kufanikisha juhudi za Kimaendeleo Kwa wananchi hususani kwenye Kilimo na Ufungaji, na kwamba hategemei kuona Maafisa ugani wanazitumia Pikipiki hizo tofauti na maelekezo ya Serikali.

Ikumbukwe Serikali ya Jamhuri ya Muungano wa Tanzania Inayoongozwa na Mhe. Dkt. Samia Suluhu Hassan, @samia_suluhu_hassan imelenga kuboresha huduma vijijini na Mjini, ili kuhakikisha wananchi wanapata kile wanachokihitaji katika Maendeleo yao ya Kila siku, hususani katika Kilimo na Ufungaji kwakuwa ndio uti wa mgongo wa Taifa la Tanzania.