TAASISI ZA SERIKALI ZILIZOPO WILAYANI MAKETE ZATAKIWA KUTATUA KERO ZA WANANCHI KWA WAKATI

Tarehe Iliyowekwa: July 11th, 2024

Mkuu wa Wilaya ya Makete Mhe. Juma Sweda. amewata wakala wa barabara Mijini na vijijini TARURA, kuwasimamia ipasavyo wakandarasi ili miradi ikamilike kwa wakati, ikiwa ni pamoja na kuhakikisha kuwa wanarudia barabara zote ambazo wametengeneza chini ya kiwango.

Mhe. Sweda, amesema hayo leo Julai 11, 2024 akiwa kwenye ziara ya kusikiliza kero za wananchi katika kijiji Cha Ihanga, kilichopo Kata ya Ukwama, Wilaya ya Makete.

Aidha, Mhe. Sweda amewataka Wakala wa Maji na Usafi wa Mazingira Vijijini, RUWASA kusimamisha tozo za maji mpaka pale ambapo watakaa na wananchi kwaajili ya kujadili namna ya kulipa ankara za maji na kutoa Elimu ya kutosha.

Nae, Kaimu Maneja wa Shirika la Umeme nchini, TANESCO, Wilaya ya Makete, Bi.Rhoda Samson Sanga, amewataka wananchi wa kijiji cha Ihanga kuwa na subira kwakuwa Serikali italeta umeme jazili katika kijiji icho.

Nao baadhi ya wananchi wa kijiji cha Ihanga akiwemo, Ndg. Damas Sanga pamoja na Elenesi Sanga wamemwomba mkuu wa Wilaya Makete kuwatafutia soko la kuuza mazao, pamoja na kuwahimiza wataalamu wa kilimo kuwasaidia katika kupamambana na Wadudu wanao shambulia, pamoja na kuwaongezea Walimu.

Hata hivyo, wakazi wa kijiji Cha Ukwama,wamemwomba Mkuu wa Wilaya ya Makete , kuwasaidia wazee waishio katika kijiji hicho kupata huduma ya matibabu bure.

Ikumbukwe kuwa, Mkuu wa Wilaya ya Makete Mhe. Juma Sweda, leo Julai 11, 2024 amefanya ziara katika Kata ya Ukwama, ikiwa ni mwendelezo wa Ziara ya Utatuzi wa kero za wananchi katika Vijiji vya Ukwama na Khanga,