TUPO TAYARI KUJENGA KITUO CHA AFYA-WANANCHI MBALACHE

Tarehe Iliyowekwa: October 18th, 2022

Wananchi wa Kata ya Mbalache wameishukuru Serikali kwa kuwapatia fedha kiasi cha shilingi Milioni 400 kwa ajili ya ujenzi wa Kituo cha Afya Mbalache

KUTAZAMA VIDEO BONYEZA HAPA

Wakizungumza kuhusu ujenzi wa Kituo hicho wananchi hao wamesem Serikali inakwenda kuwaondolea usumbufu wa kusafiri kutoka vijiji mbalimbali vya Kata ya Mbalache kwenda kupata huduma Hospitali ya Ikonda au Kata jirani ya Kipengere Wilaya ya Wanging'ombe

"Tunaishukuru Serikali kwa kuanza kujenga kituo cha Afya hapa Mbalache, Kina mama wajawazito tulikuwa tunateseka kwa kupata huduma za kiafya mbali sana, lakini kwa sasa tunategemea kuanza kutibiwa hapahapa" amezungumza Irene Msigwa mkazi wa Kijiji cha Mbalache

Fedrick Msigwa Mkazi wa kijiji cha Lupombwe amesema "Tunaishukuru Serikali kwa kupitia Halmashauri ya Wilaya kwa kuleta huu msaada, tulikuwa tunalazimika kwenda Kipengere au Lupila mpaka Ikonda na kutupa ugumu sana pindi tulipokuwa tunapata huduma kwenye zahanati yetu hapa".

Mkurugenzi Mtendaji Halmashauri ya Wilaya ya Makete William Makufwe amesema Halmashauri kupitia Mapato yake ya ndani imetenga kiasi cha shuilingi Milioni 400 kujenga Kituo cha Afya Mbalache.

“Serikali imetenga Milioni 400 kusaidia kusogeza karibu huduma za Afya kwa wananchi wa Mbalache ambao hulazimika kusafiri umbali mrefu kufuata huduma

Niwaombe viongozi Kata hii mshirikiane katika usimamizi wa fedha hizi ili zisitumike vibaya na kutofikia lengo letu la kusaidia wananchi wetu hawa hapa Mbalache”