UKATILI NA UDUMAVU HAUKUBALIKI - DED MAKUFWE

Tarehe Iliyowekwa: November 29th, 2023

Mkurugenzi mtendaji wa Halmashauri ya wilaya ya Makete, Ndg. Willam M. Makufwe, ameziomba taasisi mbalimbali, wilayani humo, kuhakikisha kuwa zinapambana na ukatili kwa watoto wadogo ili kuwa na kizazi kijacho chenye weledi na uelewa.

Ndg. Makufwe, amesema hayo leo, Novemba 29, 2023, kwenye kikao cha Uzinduzi wa Jukwaa la Wadau wa Ustawi wa Mtoto, kilichofanyika kwenye Ukumbi wa Bomani, kuwa kila mtu awe mlinzi wa mtoto, kutokana na kukithiri kwa vitendo vya ukatili katika jamii inayowazunguka.

“kila mtu akawe mlinzi wa watoto, kutokana na kukithiri kwa vitendo vya ukatili, pamoja na kuwasaidia wale ambao wanaishi kwenye mazingira magumu kwakuwa wanauhitaji kama watoto wengine” Alisema Makufwe.

Sambambana na hayo, Ndg. William M. Makufwe, amewataka wakazi wa Halmashauri ya Wilaya ya Makete, kuhakikisha kuwa wanapambana na ongezeko la Utapiamlo, ambao umekuwa ukipelekea Udumavu kwa watoto wengi wilayani humo.

“Halmashauri inaendelea na kutoa elimu ya matumizi ya Lishe bora kwa watoto wadogo, katika kupambana na ongezeko la Udumavu, hivyo kila familia kwa nafasi yake ihakikishe inatimiza wajibu wake kwa watoto wao” Alisema Makufwe.

Ikumbukwe, kuwa leo Novemba 29.2023, Ofisi ya Mkurugenzi Mtendaji wa Halmashauri ya Wilaya ya Makete, imezindua Jukwaa la Wadau wa Ustawi wa Mtoto, wilayani humo, yenye lengo la kumlinda mtoto na changamoto ambazo anakutana nazo katika makuzi yake ya kila siku.

Imeandaliwa na:

Kitengo cha Mawasiliano Serikalini, 

Halmashauri ya Wilaya ya Makete.