UTUMISHI WA UMMA NI DHAMANA, TIMIZA WAJIBU WAKO - DED MAKUFWE

Tarehe Iliyowekwa: November 30th, 2023

Mkurugenzi Mtendaji wa Halmashauri ya Wilaya ya Makete, Ndg. William M. Makufwe, amewataka watumishi wa Halmashauri hiyo, kuhakikisha kuwa wanatimiza malengo serikali kwa weledi, pamoja na kutekeleza ilani ya chama tawala,( CCM).

Ndg. Makufwe amesema hayo leo Novemba 29, 2023, wakati akiongea na watumishi wote wa Makao Makuu ya Halmashauri, kabla ya kuanza kwa mafunzo ya mfumo mpya wa Upimaji kazi kwa Mtumishi wa Umma, kuwa kila mtumishi atapimwa kwa utendaji kazi wake, hivyo hakikisheni mnafanikiwa kujisajili katika mfumo huo ili utendaji kazi wako uonekane.

 "Kila Mtumishi wa umma ana dhamana ya kuhakikisha kuwa malengo ya Serikali yanatimia, Serikali imekuamini , onesha uwepo wako kwa kutimiza majukumu yako Ipasavyo" Alisema Ndg. Makufwe

Hata hivyo, Ndg. William M. Makufwe, amesema kuwa mfumo huo wa Upimaji utendaji kazi Kwa watumishi wa Umma, ni msaada mkubwa katika kuhakikisha kuwa dira ya Taifa 2025, Utekelezaji wa Ilani ya CCM, utekelezaji wa malengo, miongozo na kanuni za serikali inatimia kwa wakati.

Imeandaliwa na: 

Kitengo cha Mawasiliano Serikalini, 

Halmashauri ya Wilaya ya Makete.