WADAU WA UTALII WATEMBELEA MAENEO YA KIHISTORIA MKOANI IRINGA ,KARIBU UTALII KUSINI

Tarehe Iliyowekwa: September 25th, 2023

Maonesho ya Utalii Karibu Kusini yameendelea leo September 25, 2023, kwa kutembelea vivutio mbalimbali vya kitalii vilivyopo mkoani Iringa, ambapo wadau mbalimbali wa utalii kutoka mikoa ya kusini mwa Tanzania wametembelea maeneo ya kihistoria kama vile Lugalo, Kikongoma pamoja na eneo ambalo alikuwa akiishi mtemi wa Wahehe, Mtwa Mkwawa.

Akizungumza katika matembezi hayo, mtaalam wa mambo ya kale, ambaye pia ni Mhadhiri wa Chuo Kikuu cha Iringa,Ndg. Jimson Sanga, amesema kuwa, watanzania wanatakiwa kujivunia uwepo maeneo hayo ya kihistoria kutokana na kuwa na kumbukumbu nzuri za wapigania uhuru.

 Ikumbukwe kuwa, maonesho ya Utalii Karibu Kusini, yayoendelea mkoani Iringa, yamekuwa na lengo la kukuza utalii kwa nyanda za juu kusini, kupitia vivutio mbalimbali vinavyopatikana katika mikoa hiyo, ambayo ni Morogoro, Iringa, Mbeya, Songwe, Ruvuma na Mtwara

Imeandaliwa na 

Ombeni Ordination Mgongolwa.

Kaimu Kitengo cha Mawasiliano Serikalimi

H/W Makete